9 აპრილის ტრაგედიიდან 28, ხოლო დამოუკიდებლობის გამოცხადებიდან 26 წელი გავიდა

, 09 აპრილი, 2017 - 11:34

9 აპრილი საქართველოს ისტორიაში უდიდესი ტრაგედიის, სისხლიანი დარბევისა და ამავდროულად, საქართველოს დამოუკიდებლობის გამოცხადების თარიღია. ამ დღეს ტრაგედიიდან 28 წელს და დამოუკიდებლობის გამოცხადების 26 წლისთავს აღნიშნავენ.

1989 წლის 9 აპრილს, თბილისში საქართველოს ეროვნულ-განმათავისუფლებელი მოძრაობის მიერ ორგანიზებული მრავალდღიანი ანტისამთავრობო მშვიდობიანი აქცია სასტიკად იქნა დარბეული საბჭოთა არმიის სპეციალური სადესანტო შენაერთის მიერ, რის შემდეგ თბილისში გამოცხადდა საკომენდანტო საათი. სადესანტო შენაერთმა მომიტინგეების წინააღმდეგ გამოიყენეს ორლესული სასანგრე ნიჩბები, მომწამლავი გაზი და ცეცხლსასროლი იარაღი.

სადამსჯელო ოპერაციის შედეგად დაიღუპა 21ადამიანი, დასახიჩრდა და მოიწამლა აქციის რამდენიმე ასეული მონაწილე. დაპატიმრებულ იქნენ აქციის ორგანიზატორები, მათ შორის, ზვიად გამსახურდია და მერაბ კოსტავა.

საპროტესტო აქციებმა პიკს 1989 წლის 4 აპრილს მიაღწია, როდესაც ათობით ათასი ქართველი მთავრობის სახლის წინ რუსთაველის გამზირზე შეიკრიბა. მომიტინგეებმა, რომლებთაც ხელმძღვანელობდა დამოუკიდებლობის კომიტეტი ზვიად გამსახურდიას, მერაბ კოსტავას, გიორგი ჭანტურიას, ირაკლი ბათიაშვილის, ირაკლი წერეთლისა და სხვების ხელმძღვანელობით, მოაწყვეს მშვიდობიანი დემონსტრაცია და შიმშილობა დაიწყეს, აფხაზი სეპარატისტების დასჯისა და საქართველოს დამოუკიდებლობის აღდგენის მოთხოვნით. აქციებს წინ უსწრებდა 1989 წლის 18 მარტს გამართული ე. წ. „ლიხნის ასამბლეა“, სადაც რამდენიმე ათასმა აფხაზმა საქართველოსგან გამოყოფა და 1921-1931 წლების კავშირის რესპუბლიკის სტატუსის აღდგენა მოითხოვეს.

საქართველოს პირველმა პრეზიდენტმა ზვიად გამსახურდიამ გმირების პატივსაცემად, 1991 წლის 9 აპრილს საქართველოს დამოუკიდებლობა გამოაცხადა.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5