გიორგი მღებრიშვილი იორდანიის ჟანდარმერიის გენერალურ დირექტორს შეხვდა

შაბათი, 08 აპრილი, 2017 - 11:17

შს მინისტრი, გიორგი მღებრიშვილი საქართველოში ვიზიტით მყოფ იორდანიის ჰაშიმიტური სამეფოს შინაგან საქმეთა სამინისტროს ჟანდარმერიის დეპარტამენტის გენერალურ დირექტორს, გენერალ მაიორ ჰუსეინ ალ ჰავათმეს შეხვდა.

მხარეებმა საქართველოს შსს-ს განსაკუთრებულ დავალებათა დეპარტამენტსა და იორდანიის შსს-ს ჟანდარმერიის დეპარტამენტს შორის თანამშრომლობის საკითხები განიხილეს. როგორც შეხვედრაზე აღინიშნა, შსს-ს განსაკუთრებულ დავალებათა დეპარტამენტში ამ ეტაპზე რეფორმირების პროცესი მიმდინარეობს და ამ მხრივ, მნიშვნელოვანია სხვადასხვა ქვეყნის შესაბამისი უწყებების წარმატებული გამოცდილების გაზიარება და საერთაშორისო თანამშრომლობის გაღრმავება.

გიორგი მღებრიშვილის თქმით, საქართველოს შს სამინისტრო გეგმავს, განსაკუთრებულ დავალებათა დეპარტამენტი გახდეს ევროპისა და ხმელთაშუაზღვის ჟანდარმერიებისა და გასამხედროებული პოლიციის სტატუსის მქონე ძალების გაერთიანების (FIEP) წევრი და ამ მიზნის მისაღწევად, ძალისხმევას არ იშურებს, რათა არსებული სისტემა საერთაშორისო სტანდარტებს შეესაბამებოდეს.

მიმდინარე წელს FIEP-ის პრეზიდენტი ქვეყანა იორდანიაა. 23-26 მაისს პორტუგალიის დედაქალაქ ლისაბონში ევროპისა და ხმელთაშუაზღვის ჟანდარმერიებისა და გასამხედროებული პოლიციის სტატუსის მქონე ძალების გაერთიანების კომისიის შეხვედრა გაიმართება, სადაც საქართველოს შს სამინისტროს განსაკუთრებულ დავალებათა დეპარტამენტის საქმიანობისა და ფუნქციების პრეზენტაცია მოხდება. ლისაბონის შეხვედრაზე მას, სავარაუდოდ, დამკვირვებლის სტატუსი მიენიჭება, რის შემდეგაც, დაახლოებით, 1 წლის ვადაში, ორგანიზაციის წესდების შესაბამისად, საქართველოს შს სამინისტროს განსაკუთრებულ დავალებათა დეპარტამენტი შეძლებს, გახდეს FIEP-ის სრულუფლებიანი წევრი.

უახლოეს მომავალში შს სამინისტრო პარლამენტში წარადგენს „სპორტულ შეჯიბრებებზე, კულტურულ და სხვა სახის მასობრივ ღონისძიებებზე დაცულობის, უსაფრთხოებისა და მომსახურების შესახებ“ კანონპროექტს, რომელიც დასავლური სტანდარტების დანერგვასა და უზრუნველყოფას ისახავს მიზნად. შეხვედრაზე მხარეები საქართველოს შსს-ს განსაკუთრებულ დავალებათა დეპარტამენტსა და იორდანიის შსს-ს ჟანდარმერიის დეპარტამენტს, ასევე, FIEP-ს შორის თანამშრომლობის გაღრმავებაზე შეთანხმდნენ.

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41