"თავისუფალმა დემოკრატებმა“ ე.წ. მოსმენების კანონზე 25 ინდივიდუალური სარჩელი შეიტანეს

ხუთშაბათი, 06 აპრილი, 2017 - 14:16

,,თავისუფალმა დემოკრატებმა“ ე.წ. მოსმენების კანონის შესახებ 25 ინდივიდუალური სარჩელი შეიტანეს.  ამის შესახებ დღეს გამართულ ბრიფინგზე  პარტიის პოლიტიკურმა მდივანმა, ნინო გოგუაძემ განაცხადა.

ნინო გოგუაძის განმარტებით, ადამიანის უფლებები არ შეიძლება ხელყოფილი იყოს არც ერთი უწყების ინტერესებიდან გამომდინარე.

"ჩვენ, ,,თავისუფალი დემოკრატები’’ ვუერთდებით კამპანია ,,ეს შენ გეხება’’-ს და როგორც მოქალაქეებს შეგვაქვს ინდივიდუალური სარჩელი საკონსტიტუციო სასამართლოში. ჩვენ ვასაჩივრებთ კანონს მოსმენების შესახებ. კანონს, რომლის შესახებაც საკონსტიტუციო სასამართლომ ერთხელ ძალიან ნათლად თქვა, რომ არ შეიძლება მოსმენების ტექნიკური საშუალება იყოს ძალოვანი სტრუქტურების დაქვემდებარებაში. სამწუხაროდ, საკონსტიტუციო უმრავლესობის მქონე ოცნებამ არ დააკმაყოფილა, არ გაითვალისწინა სასამართლოს გადაწყვეტილება და მიიღო კანონი, რომლის მიხედვითაც მოსმენების ტექნიკური საშუალება კვლავ სუს-ის დაქვემდებარებაშია. სამწუხაროა, რომ ქართული ოცნების ხელისუფლება ძალიან ხშირად სახელმწიფოს უსაფრთხოების სახელით მზად არის დაარღვიოს თითოეული ადამიანის უფლება და ღირსება. ეს არის საბჭოთა ტრადიცია და სამწუხაროა, რომ ქართული ოცნების ხელისუფლებას არ ესმის, რომ დემოკრატიული სახელმწიფო სწორედ იმით განსხვავდება საბჭოთა ტოტალიტარული ან ავტორიტარული სახელმწიფოსგან, რომ ადამიანი, მისი უფლება, ღირსება და პრინციპები დაცული უნდა იყოს არამარტო სხვა ადამიანისგან ან ადამიანთა ჯგუფისგან, არამედ პირველ რიგში სახელმწიფოსგან. ეს არის ღირებულებითი დაპირისპირება და ჩვენ ამას აუცილებლად ბოლომდე მივიყვანთ. სამწუხაროა, რომ ქართული ოცნების უმრავლესობამ არ დააკმაყოფილა საკონსტიტუციო სასამართლოს გადაწყვეტილება და მთელი სამართლებრივი სისტემა ამით შეარყია. როგორ უნდა მოთხოვოთ რიგით მოქალაქეს დაიცვას კანონი, როდესაც უმაღლესი საკანონმდებლო ორგანო არ იცავს საკონსტიტუციო სასამართლოს გადაწყვეტილებას. ჩვენ ვასაჩივრებთ ამ კანონს ისევ საკონსტიტუციო სასამართლოში და იმედი გვაქვს, რომ საკონსტიტუციო სასამართლო იხელმძღვანელებს თავისივე გადაწყვეტილებით, კონსტიტუციით, ადამიანის ფუნდამენტური უფლებებით და ამ კანონს კვლავ ბათილად ცნობს, რადგან ადამიანის უფლებები არ შეიძლება ხელყოფილი იყოს არცერთი უწყების ინტერესებიდან გამომდინარე’’, - განაცხადა ნინო გოგუაძემ.

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.07
  • 0.04
  • 0.69
  • 1.43