ირაკლი კობახიძე ეგვიპტის არაბული რესპუბლიკის წარმომადგენლობითი პალატის თავმჯდომარეს შეხვდა

ორშაბათი, 03 აპრილი, 2017 - 12:43

 ბანგლადეშში ვიზიტის ფარგლებში, საქართველოს პარლამენტის თავმჯდომარე ირაკლი კობახიძე ეგვიპტის არაბული რესპუბლიკის წარმომადგენლობითი პალატის თავმჯდომარეს, ალი აბდ ელ აალის შეხვდა. ალი აბდ ელ აალიმ საქართველოს პარლამენტის თავმჯდომარე ეგვიპტეში ოფიციალური ვიზიტით მიიწვია.

აქართველოს პარლამენტის თავმჯდომარემ ეგვიპტელ კოლეგას საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა. მხარეებმა ორმხრივი ურთიერთობების გაღრმავების და ამ საქმეში, მჭიდრო საპარლამენტთაშორისო თანამშრომლობის მნიშვნელობაზე ისაუბრეს.

ირაკლი კობახიძის განცხადებით, საქართველოს მე-9 მოწვევის პარლამენტში უკვე შექმნილია ეგვიპტის არაბული რესპუბლიკის პარლამენტთან მეგობრობის მეგობრობის ჯგუფი, რომელიც ორ ქვეყანას შორის თანამშრომლობის გაღრმავების მიმართულებით, აქტიურად იმუშავებს. მხარეები მეგობრობის ჯგუფების გაცვლითი ვიზიტის შესახებ შეთანხმდნენ.

შეხვედრას საქართველოს პარლამენტის საგარეო ურთიერთობათა კომიტეტის თავმჯდომარე სოფიო ქაცარავა, იურიდიულ საკითხთა კომიტეტის თავმჯდომარის მოადგილე დავით მათიკაშვილი, პარლამენტის აპარატის უფროსი ნიკოლოზ ნათენაძე, პარლამენტის თავმჯდომარის კაბინეტის უფროსი ნიკოლოზ სამხარაძე და საქართველოს საგანგებო და სრულუფლებიანი ელჩი ინდოეთის რესპუბლიკაში, არჩილ ძულიაშვილი დაესწრნენ. ირაკლი კობახიძე, საპარლამენტო დელეგაციასთან ერთად, 1-5 აპრილს საპარლამენტთაშორისო კავშირის (IPU) რიგით 136-ე ასამბლეაში იღებს მონაწილეობას. ასამბლეაში მონაწილეობის პარალელურად, პარლამენტის თავმჯდომარე და დელეგაციის წევრები მაღალი რანგის ორმხრივ შეხვედრებს მართავენ.

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41