კოლუმბიელი მორაგბეები მომზადებას საქართველოში გაივლიან

სამშაბათი, 28 მარტი, 2017 - 16:40

სპორტისა და ახალგაზრდობის საქმეთა სამინისტროსა და კოლუმბიის რესპუბლიკის საგარეო საქმეთა სამინისტროს შორის ურთიერთგაგების მემორანდუმი გაფორმდა.

დოკუმენტი, რომელსაც ხელი სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და კოლუმბიის რესპუბლიკის საგანგებო და სრულუფლებიან ელჩმა საქართველოში ხუან ალფრედო პინტო საავედრამ მოაწერეს, ითვალისწინებს ქვეყნებს შორის თანამშრომლობის გაღრმავებას სპორტის მიმართულებით. კერძოდ, პირველ ეტაპზე საქართველოში მომზადებას კოლუმბიის მორაგბეთა ორი ასაკობრივი ნაკრები გაივლის. თანამშრომლობის მომდევნო ეტაპი კი სპორტის სხვა სახეობებში, როგორებიცაა ფეხბურთი, ველოსპორტი, მოტოსპორტი, ავტოსპორტი - სპორტსმენთა და მწვრთნელთა მომზადებას ითვალისწინებს.

შეგახსენებთ, რომ სპორტის სფეროში თანამშრომლობის გაღრმავების და შესაბამისი გამოცდილების გაზიარების მიზნით, საქართველოს სპორტისა და ახალგაზრდობის საქმეთა მინისტრმა ტარიელ ხეჩიკაშვილმა 2017 წლის 22 თებერვალს უმასპინძლა კოლუმბიის ოფიციალურ დელეგაციას, რომლის შემადგენლობაში იყვნენ რესპუბლიკის საგარეო საქმეთა მინისტრის მოადგილე პატი ლონდონიო ხარამილიო და კოლუმბიის რესპუბლიკის საგანგებო და სრულუფლებიანი ელჩი საქართველოში ხუან ალფრედო პინტო საავედრა.

სამინისტროში გამართული შეხვედრის ფარგლებში საუბარი შეეხო საქართველოში კოლუმბიის მორაგბეთა ასაკობრივი ნაკრების მომზადების გავლას, სპორტის სხვადასხვა სახეობებში სპორტსმენთა და მწვრთნელთა მომზადების საკითხებს, ასევე დაიგეგმა ურთიერთგაგების მემორანდუმის ხელმოწერასთან დაკავშირებულ პროცედურები.

„უცხოელების ასეთი დაინტერესება და სურვილი, სპორტსმენებმა საქართველოში გაიარონ მომზადება, იმის აღიარებაა, რომ საქართველოს ხელისუფლება სპორტის განვითარების მიმართულებით სწორ რეფორმებს ატარებს. უშუალოდ ეს მემორანდუმი საშუალებას მისცემს ჩვენს სპორტულ ფედერაციებს მოიწვიონ კოლუმბიელი სპორტსმენები და მწვრთნელები, რაც მათ საქმიანობას წაადგება. უახლოეს მომავალში საქართველოს ესტუმრება კოლუმბიელ მორაგბეთა ორი ასაკობრივი ნაკრები, ისინი ჩვენ სარაგბო ბაზებზე გაივლიან მომზადებას. თუმცა, ჩვენი და კოლუმბიის მხარის თანამშრომლობა მხოლოდ სპორტის ერთი სახეობით არ შემოიფარგლება და ერთობლივად ბევრ საინტერესო პროექტს განვახორციელებთ. მისასალმებელია სტუმრების ინტერესი საქართველოს მიმართ, ქვეყნისადმი, სადაც თავისუფლად შეიძლება დიდი საერთაშორისო სპორტული ღონისძიების გამართვა და შეკრებების მოწყობა. ძალიან სასიხარულოა, რომ ქართული სპორტის ბოლოდროინდელი წარმატებები საერთაშორისო ასპარეზზე შეუმჩნეველი არ რჩება“, - განაცხადა  ტარიელ ხეჩიკაშვილმა.

 სპორტული დიპლომატიის სფეროში მსგავსი სახის თანამშრომლობა საქართველოსთვის ახალი გამოცდილებაა. კოლუმბიურ მხარესთან ურთიერთგაგების მემორანდუმის გაფორმება კიდევ ერთხელ შეუწყობს ხელს და დადებითად აისახება ხალხთა შორის კავშირების განმტკიცებაზე სპორტის მეშვეობით.

დღესვე, საქართველოს ეროვნულ მუზეუმში კოლუმბიის კულტურის კვირეული გაიხსნება, რომელიც 31 მარტამდე გასტანს. კვირეულის ფარგლებში დაგეგმილია კოლუმბიის პირველი კინოფესტივალის ჩატარებაც. გარდა ამისა სიმონ ჯანაშიას სახელობის საქართველოს მუზეუმის ფოიეში წარმოდგენილი იქნება გამოფენა „ძველი ესპანური კოლუმბიის ეპოქაში ოქროთი ვაჭრობის დაწყება“.

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41