20000-დოლარიანი ხელფასი ნამდვილად არც მიკვირს და არც ჩემი შესაძლებლობის ზღვარია - ნიკა გვარამია

შაბათი, 25 მარტი, 2017 - 18:42

რუსთავი 2-ის გენერალური დირექტორი ნიკა გვარამია განმარტებას მათთვის აკეთებს, ვისაც მისი ხელფასი "ალაპარაკებს".

"ვისაც ჩემი ხელფასი გალაპარაკებთ:

1. ორჯერ მეტი ხელფასი მქონდა და 8 საათიანი სამუშაო დღე, სანამ რ2ში მოვიდოდი;

2. ჩემი, როგორც დირექტორის მოვალეობაში (და ზოგადად არც ერთი დირექტორის მოვალეობაში), ტრიბუნებზე, მიტინგებზე და ბრიფინგებზე დგომა არ შედიოდა არც კონტრაქტის დადებისას და არც ახლა. სხვის საკუთრებას ვიცავდი იმის სრული რწმენით, რომ სწორად ვიქცევი გუნდის, მაყურებლის და ქვეყნის წინაშე;

3. ქიბარ ხალვაშის რ2-შიც შემეძლო მშვიდად ვყოფილიყავი დირექტორი. გამიშვებდნენ, 5 მილიონი დოლარი მერგებოდა კომპენსაცია, თვითონ წავიდოდი - 2.5 მილიონი დოლარი. ასეთი დაცვის გარანტიები ჩამიდო დამქირავებელმა კონტრაქტში ჩემივე მოთხოვნით. სხვაგვარად სარედაქციო დამოუკიდებლობის გარანტიას ვერ მივიღებდი.

4. ძალიან სამწუხარო და სამარცხვინოა, რომ ჯერ კიდევ 2 წლის წინ ივანიშვილის რეჟიმის მიერ რ2-ში სიტუაციის ასარევად დაწყებულ ჩემი ხელფასით სპეკულაციებს, დღეს აგრძელებენ ის ადამიანები, ვისი საკუთრებაც საკუთარი და ოჯახის უსაფრთხოების რისკის ფასად დავიცავი და დღემდე ვიცავ. და ასევე ის ადამიანები, რომელთა ხმას ვერავინ გაიგებდა, რომ არა გუნდის და ჩემი ეს თავგანწირული ბრძოლა.

გრცხვენოდეთ თქვენი იაფფასიანი სპეკულაციების და ისიც გახსოვდეთ, რომ 20 ათას დოლარიანი ხელფასი ნამდვილად არც მიკვირს და არც ჩემი შესაძლებლობის ზღვარია. დღემდე მაქვს ბევრად უკეთესი შემოთავაზებები, ფულზე ყველაფრის დამყვანო ხამებო", - აცხადებს ნიკა გვარამია.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.55
  • 3
  • 3.4
  • 0.04
  • 0.66
  • 1.5