25 მარტს საქართველოს მართლმადიდებელი ეკლესიის ავტოკეფალიის აღდგენის დღე აღინიშნება

შაბათი, 25 მარტი, 2017 - 09:37

25 მარტს  საქართველოს მართლმადიდებელი ეკლესიის ავტოკეფალიის აღდგენის დღე აღინიშნება.

საქართველოს მართლმადიდებელი ეკლესიის ავტოკეფალიის აღდგენის 100 წლის იუბილესთან დაკავშირებით, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია II სვეტიცხოვლის საკათედრო ტაძარში საღმრთო ლიტურგიას აღავლენს.

ქართულმა ეკლესიამ ავტოკეფალია ანტიოქიის ეკლესიისაგან მიიღო.  წმინდა მეფის, ვახტანგ გორგასლის თაოსნობით 472 წელს საქართველოს ეკლესიას  საკუთარი კათოლიკოსი დაუდგინდა. ცოტა მოგვიანებით, საქართველოს სამოციქულო ეკლესიამ ღირსი მამის ეფრემ მაწყვერელის ღვაწლით მიიღო მირონის კურთხევის უფლება. 

1801 წელს, როდესაც საქართველო რუსეთმა დაიპყრო, მალე გაუქმდა მეფობა და . რუსეთის იმპერატორმა ალექსანდრე პირველმა ხელი მოაწერა  საქართველოს მართლმადიდებელი ეკლესიის ავტოკეფალიის გაუქმებას. ქართული ეკლესია რუსეთის ეკლესიას შეუერთეს. 1811 წელს, საქართველოს ბოლო კათოლიკოს-პატრიარქი ანტონ მეორე რუსეთში გადაასახლეს,  საქართველოს ეკლესიას რუსეთის სინოდი ეგზარხოსების მეშვეობით მართავდა. 

ქართულმა ეკლესიამ ავტოკეფალია 1917 წელს დაიბრუნა.​1917 წლის 12 (25) მარტს ქართველმა სამღვდელოებამ საგანგებო კრებაზე აღდგენილად გამოაცხადა საქართველოს ეკლესიის ავტოკეფალია. იმავე წლის სექტემბერში საქართველოს ეკლესიამ 106-წლიანი იძულებითი შუალედის შემდეგ კვლავ აირჩია კათოლიკოს-პატრიარქი კირიონ მეორე.

საქართველოს ეკლესიის ავტოკეფალია მსოფლიოს ყველა მართლმადიდებელმა ეკლესიამ აღიარა, მაგრამ არ არსებობდა ამ აღიარების წერილობითი დასტური. საქართველოს დღევანდელი კათოლიკოს-პატრიარქის ილია მეორის დიდი მონდომებითა და ძალისხმევით ასეთ დოკუმენტს მსოფლიო პარტიარქმა 1990 წლის 4 მარტს მოაწერა  ხელი.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5