შსს-ს აკადემიასა და განათლებისა და მეცნიერების სამინისტროს შორის მემორანდუმი გაფორმდა

პარასკევი, 24 მარტი, 2017 - 15:42

შინაგან საქმეთა სამინისტროს აკადემიასა და განათლებისა და მეცნიერების სამინისტროს შორის ურთიერთთანამშრომლობის მემორანდუმი გაფორმდა. დოკუმენტს აკადემიის რექტორმა, გივი მიქანაძემ და განათლებისა და მეცნიერების მინისტრის მოადგილემ, ლია გიგაურმა მოაწერეს ხელი.

მემორანდუმი მოიცავს საერთო ინტერესების სფეროში შემავალ აქტუალურ საკითხებზე თანამშრომლობას, ერთობლივი სასწავლო-საგანმანათლებლო პროექტების, ტრენინგებისა და სამუშაო შეხვედრების განხორციელებას, რესურსების, მათ შორის, ინტელექტუალური და ტექნიკური რესურსის გაზიარებასა და მაღალკვალიფიციური კადრების მომზადების ხელშეწყობას.

მხარეებმა სამუშაო შეხვედრაზე შსს-ს აკადემიის მიერ ინიცირებულ ახალ პროექტზეც - „ერთი დღე აკადემიაში“ - იმსჯელეს და შეთანხმდნენ, რომ საჯარო სკოლის მოსწავლეების ვიზიტი შსს-ს აკადემიაში მიმდინარე წლის მაისში საპილოტე რეჟიმში განხორციელდება.

პროექტის ფარგლებში, შსს-ს აკადემიის თანამშრომლების, ლექტორებისა და ინსტრუქტორების მხარდაჭერით, საჯარო სკოლის მოსწავლეებს საშუალება ეძლევათ, მონაწილეობა მიიღონ სხვადასხვა საგანმანათლებლო სასწავლო კურსსა და პრაქტიკულ სამუშაოში. შეხვედრის ბოლოს, განათლებისა და მეცნიერების მინისტრის მოადგილემ, ლია გიგაურმა შსს-ს აკადემიის ინფრასტრუქტურა, სასწავლო და ფიზიკური მომზადების ოთახები, რეალური და ვირტუალური ტირი და იმიტირებული სასაზღვრო გამშვები პუნქტი დაათვალიერა.

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.89
  • 3.29
  • 0.04
  • 0.53
  • 1.44