საქართველო არასათანადოდ ასრულებს ევროსასამართლოს გადაწყვეტილებას - გიორგი თევზაძე

პარასკევი, 24 მარტი, 2017 - 12:46

უფლებადამცველის, საქართველოს ადვოკატთა დამოუკიდებელი პროფკავშირის თავმჯდომარის გიორგი თევზაძის განცხადებით,  კონკრეტულ ქეისზე საქართველო არასათანადოდ ასრულებს ევროსასამართლოს გადაწყვეტილებას, რაც სამართლიანობის დამკვიდრებასთან დაკავშირებით შესაძლო ორმაგ სტანდარტზე გვაფიქრებინებს.

„საზოგადოება მედია საშუალებებით ინფორმირებულია საქართველოს ადვოკატთა დამოუკიდებელმა პროფკავშირმა დაიწყო ახალი ინიციატივის განხორციელება, რომელიც გულისხმობს საქართველოს მოქალაქეების საჩივრებზე მიღებული ევროსასამართლოს დადებითი გადაწყვეტილებების სათანადო აღსრულების მონიტორინგს. ამ ინიციატივის ფარგლებში საქართველოს ადვოკატთა დამოუკიდებელი პროფკავშირი ახორციელებს საზოგადოებრივ მონიტორინგს ნოდარ მაკრახიძისა და შპს. „იზას“ მიერ საქართველოს წინააღმდეგ წარდგენილ საჩივარზე.

ევროსასამართლომ 2005 წლის 27 სექტემბრის გადაწყვეტილებით ნაწილობრივ დააკმაყოფილა საჩივარი და კომპანია „იზას“ მოუხსნა დავალიანება, ამავე დროს, სახელმწიფოს დააკისრა ზიანის ანაზღაურება.

მიუხედავად ამისა, საქართველოს შემოსავლების სამსახური 2007 წელს შპს „იზას“ მიმართ დაკისრებული გადასახადით დღემდე ითხოვს ბიუჯეტის სასარგებლოდ იმ პერიოდის მიხედვით თანხის გადახდას, რომელზეც ევროსასამართლოს უკვე ნამსჯელი აქვს. ამდენად, არსებობს საკმარისი წინაპირობები იმისათვის, რომ ფაქტი შევაფასოთ, როგორც ევროსასამართლოს გადაწყვეტილების არასათანადოდ აღსრულება.

საკითხის გარკვევის მიზნით, შესაბამისი წერილით ორი თვის პერიოდში ორჯერ მივმართეთ საქართველოს იუსტიციის სამინისტროს, რომლის მხრიდან ჩვენი, ისევე როგორც შპს „იზას“ განცხადება, რეაგირების გარეშე იქნა დატოვებული. რაც ლეგიტიმურ კითხვებს ბადებს.

იმ პირობებში, როდესაც ხელისუფლება მუდმივად აპელირებს სამართლიანობის დამკვიდრების აუცილებლობაზე, რაც გვაფიქრებინებს იმას, რომ ეს შემთხვევა ორმაგ სტანდარტზე მიანიშნებს. წარმოდგენილი გარემოებების ფონზე აშკარაა, რომ ამ საკითხზე პასუხისმგებელი სახელმწიფო ორგანოები, მათ შორის საქართველოს იუსტიციის სამინისტრო არ ასრულებს კანონით მათზე დაკისრებულ ფუნქციებს, რომელიც ქმნის ამ უწყების პასუხისმგებელი პირების პოლიტიკური პასუხისმგებლობის დაყენების წინაპირობებს. კანონის უზენაესობის და ადამიანის უფლებების დაცვა კონკრეტული მაგალითებით უნდა იქნეს უზრუნველყოფილი.

ვიმედოვნებთ, რომ საქართველოს იუსტიციის სამინისტრო გონივრულ ვადებში უზრუნველყოფს ჩვენს წერილებზე რეაგირებას. ასევე ვიმედოვნებთ, რომ არ შეიქმება რადიკალური სამართლებრივი ღონისძიების გამოყენების საჭიროება“, – აღნიშნულია უფლებადამცველის, საქართველოს ადვოკატთა დამოუკიდებელი პროფკავშირის თავმჯდომარის გიორგი თევზაძის განცხადებაში.

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41