მოსკოვის გადაწყვეტილებით არ გაზრდილა პროვოკაციების საფრთხე, მათ გადადგეს მორიგი ნაბიჯი ანექსიისთვის

შაბათი, 18 მარტი, 2017 - 13:07

პარტია "რეფორმატორების’’ თავმჯდომარე ირაკლი ღლონტი ვლადიმერ პუტინის გადაწყვეტილებასთან ეხმაურება და აცხადებს, რომ მოსკოვის მიზანი კვლავ ანექსიაა და ჯარების გაერთიანების შესახებ გადაწყვეტილება განპირობებული იყო ანექსიის მიზნით და არა ფინანსური თავლსაზრისით.

"ვლადიმერ პუტინის განკარგულება სამხრეთ ოსეთის ე.წ. სამხედრო ქვედანაყოფების რუსულ არმიაში გაერთიანების შესახებ ეს არის საქართველოს სუვერენიტეტის და ტერიტორიული მთლიანობის წინააღმდეგ გადადგმული მორიგი ნაბიჯი. ეს ნაბიჯი, რა თქმა უნდა, არალეგალური ქმედებაა, რომელიც ხელს უშლის კონფლიქტის მშვიდობიანი მოგვარების პერსპექტივას და მას უნდა დავუპირისპიროთ საერთაშორისო თანამეგობრობის ძალისხმევა.

რუსეთის სამხედრო პოლიტიკა საფრთხეს უქმნის მთლიანად სამხრეთ კავკასიის რეგიონს, კრემლი უპატივცემულობას გამოხატავს სამივე სახელმწიფოს მიმართ. სხვადასხვა ექსპერტი ამ ნაბიჯს აფასებს, როგორც პროვოკაციების გაძლიერებულ საფრთხეს, რომელსაც არ ვეთანხმები, რადგან პროვოკაციის საფრთხე აქამდეც არსებობდა და იარსებებს იქამდე, ვიდრე არსებობს რუსეთის მიერ საქართველოს ოკუპაციისა და ანექსიის ინტერესი. მაქსიმალურად უნდა ვიაქტიუროთ და გავაძლიეროთ პარტნიორობა ევროკავშირის სადამკვირებლო მისიასთან, რათა ბოლომდე იქნას თავიდან აცილებული პოტენციური საფრთხეები, იგივე პროვოკაცია ოკუპაციის ზოლთან. მოსაზრება, რომ რუსეთის მიერ ჯარების გაერთიანების შესახებ გადაწყვეტილება ფინანსური თვალსაზრისით იქნა განპირობებული ვფიქრობ მოკლებულია ლოგიკას.

ჩემი აზრით, რუსეთმა ანექსიის თვალსაზრისით გადადგა მორიგი ნაბიჯი და სამხრეთ ოსეთს, როგორც ოკუპირებულ ტერიტორიულ ერთეულს აქედანვე მისცა მესიჯი, რომ მის მიმართ აქვს ანექსიის ინტერესი და სახელმწიფოს არსებობისთვის აუცილებელი ერთ-ერთი უმთავრესი საფუძველი - ჯარი გამოაცალა ხელიდან.

ვფიქრობ, რუსეთის სამხედრო პოლიტიკის კვალდაკვალ ჩვენი ქვეყნის პოლიტიკა კონტრპროდუქტიულია და ქართული სახელმწიფოს დიპლომატიური რესურსი იხარჯება არასწორი მიმართულებით. არასწორი და არაეფექტურია აბაშიძე-კარასინის "ხაჭაპურის ჭამის‘’ ფორმატი. ერთადერთი,

რაც საქართველოს ხელისუფლებამ უნდა გააკეთოს არის ის, რომ მთელი დიპლომატიური რესურსი გადართოს დეოკუპაციის მიზნებისთვის და ქვეყნის შიგნით დაიწყოს პოლიტიკურ ძალებს შორის კონსულტაცია ფართო კონსესუსის გზით საერთო სახელმწიფოებრივი სტრატეგიის შექმნის უზრუნველსაყოფად’’ - ნათქვამია ღლონტის განცხადებაში.

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.07
  • 0.04
  • 0.69
  • 1.43