საქართველოს პრეზიდენტი დონალდ ტუსკს ევროსაბჭოს პრეზიდენტად ხელმეორედ არჩევას ულოცავს და საქართველოში იწვევს

პარასკევი, 10 მარტი, 2017 - 11:50

საქართველოს პრეზიდენტი გიორგი მარგველაშვილი დონალდ ტუსკს ევროპული საბჭოს პრეზიდენტად ხელმეორედ არჩევას ულოცავს.

"ძვირფასო დონალდ, მსურს გულითადად მოგილოცოთ ევროპული საბჭოს პრეზიდენტად ხელმეორედ არჩევა. ევროკავშირის ქვეყნებმა თქვენ კიდევ ერთხელ დაგაკისრეს უაღრესად საპატიო და საპასუხიმგებლო მისია, როგორც უაღრესად გამოცდილ და გამჭრიახ პოლიტიკოსს. თქვენ განსაკუთრებით რთულ და ცვალებად სამყაროში გიწევთ მოღვაწეობა. დღეს ჩვენი საერთო ევროპული ოჯახი მრავალი გამოწვევის წინაშეა. დარწმუნებული ვარ რომ თქვენი გამოცდილება, შემართება, პრინციპულობა და შორსმჭრეტველობა განსაკუთრებულ წვლილს შეიტანს როგორც არსებული პრობლემების მოგვარებაში, ასევე ერთიანი, თავისუფალი და მშვიდობიანი ევროპის იდეის განხორციელებაში.

მინდა აქვე ვისარგებლო შემთხვევით და მადლობა გადაგიხადოთ ჩემი ქვეყნის სუვერინეტეტისა და ტერიტორიული მთლიანობის მტკიცე მხარდაჭერისა და საქართველოს ევროპული ინტეგრაციაში ხელშეწყობისათვის. მინდა ასევე განსაკუთრებული მადლიერებით აღვნიშნო ის როლი, რომელიც თქვენ, როგორც ევროკავშირის პრეზიდენტმა შეასრულეთ საქართველოს მოქალაქეთათვის შენგენის ზონაში უვიზო მიმოსვლის საკითხის გადაწყვეტაში. მე კვლავაც დიდი იმედითა ვუყურებ თქვენთან შემდგომი თანამშრომლობას. მჯერა, რომ ერთობლივი ძალისხმევით ჩვენ შევძლებთ ახალი ინიციატივების რეალიზებას ჩვენი საერთო ევროპული კეთილდღეობისათვის.

მინდა მოგიწვიოთ საქართველოში ოფოციალური ვიზიტით. თქვენი ჩამობრძანება იქნება მნიშვნელოვანი ნაბიჯი საქართველო-ევროკავშირის ახალი ერთობლივი წამოწყებების რეალიზაციისათვის. წრფელი პატივისცემით კიდევ ერთხელ გილოცავთ ამ უაღრესად საპატიო პოსტზე არჩევას და გისურვებთ წარმატებებს თქვენს შემდგომ საქმიანობაში", - ნათქვამია პრეზიდენტის მილოცვის წერილში.

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.82
  • 3.1
  • 0.04
  • 0.68
  • 1.39