კახა კახიშვილი თურქეთის ელჩს შეხვდა

სამშაბათი, 28 თებერვალი, 2017 - 11:27

სასჯელაღსრულებისა და პრობაციის მინისტრი კახა კახიშვილი საქართველოში თურქეთის რესპუბლიკის საგანგებო და სრულუფლებიან ელჩ ზექი ლევენთ გუმრუქჩუს შეხვდა. შეხვედრის მთავარ თემას 2016 წლის ივლისში საქართველოს სასჯელაღსრულებისა და პრობაციის სამინისტროსა და თურქეთის იუსტიციის სამინისტროს შორის გაფორმებული ურთიერთთანამშრომლობის მემორანდუმით გათვალისწინებული საკითხები წარმოადგენდა.

მხარეებმა საქართველოსა და თურქეთის რესპუბლიკებს შორის თანამშრომლობის გაღრმავებასა და მოქალაქეებისათვის სამართლებრივი გარანტიების უზრუნველყოფის შესახებ იმსჯელეს. კახა კახიშვილის განცხადებით, სამინისტროსთვის პრიორიტეტულია თურქეთის რესპუბლიკაში თავისუფლებააღკვეთილ საქართველოს მოქალაქეთა საპატიმრო სასჯელისგან გათავისუფლების შემდგომ, პრობაციის პერიოდში დახმარება. მინისტრი მიიჩნევს, რომ თურქეთში მყოფ საქართველოს მოქალაქე პრობაციონერებისთვის რიგი სოციალურ- ეკონომიკური პრობლემების თავიდან არიდების მიზნით, უმჯობესია საქართველოში დაბრუნება და საპრობაციო ვადის სამშობლოში მოხდა. აღნიშნული საკითხის დარეგულირება შესაძლებელია თურქეთის რესპუბლიკაში შესაბამისი საკანონმდებლო ცვლილებით ან ორმხრივი შეთანხმების საფუძველზე. მინისტრმა ქვეყნებს შორის გამოცდილების გაზიარების აუცილებლობას გაუსვა ხაზი და აღნიშნა, რომ საუკეთესო პრაქტიკის შესაბამისი მიდგომების დანერგვისას მეზობელი ქვეყნების ჩართულობა მნიშვნელოვანია.

„მზად ვართ, ვუმასპინძლოთ ჩვენს თურქ კოლეგებს და სასწავლო ვიზიტის ფარგლებში, გავაცნოთ ჩვენს სისტემაში მიღწეული პროგრესი. ამასთან, ჩვენთვისაც საინტერესო გამოცდილება იქნება ადგილზე გავეცნოთ მსჯავრდებულთა დასაქმების პროგრამებს, რომლებიც თურქეთის პენიტენციურ სისტემაშია დანერგილი“, - აღნიშნა მინისტრმა შეხვედრისას. ელჩის განცხადებით, მემორანდუმი ორი ქვეყნის სასჯელაღსრულების სიტემის დაახლოებისა და გამოცდილების გაზიარების გარანტი იქნება.

“ძალიან ნაყოფიერი შეხვედრა გვქონდა მინისტრ კახა კახიშვილთან. დეტალურად განვიხილეთ თანამშრომლობის შესაძლო სფეროები. მნიშვნელოვანია, ჩვენი ქვეყნის მოქალაქეთა უფლებების დაცვა. უახლოეს კვირაში დავიწყებთ მემორანდუმით გათვალისწინებულ პრიორიტეტულ საკითხებზე მუშაობას. ყოველთვის მოხარულები ვართ სასჯელაღსრულების სამინისროსთან თანამშრომლობით“, - განაცხადა ზექი ლევენთ გუმრუქჩუმ.

მემორანდუმის ფარგლებში დაგეგმილია თანამშრომლობის გაღრმავება სასჯელაღსრულებისა და პრობაციის სისტემის ეფექტიანი მართვისა და შესაბამისი კანონმდებლობის სრულყოფის, პენიტენციური დაწესებულებების უსაფრთხოების გაძლიერებისა და ადამიანის უფლებების დაცვის, პენიტენციური ჯანდაცვის, ბრალდებულთა/მსჯავრდებულთა რესოციალიზაციისა და რეინტეგრაციის პროგრამებისა და საგანმანათლებლო გაცვლითი პროგრამების მიმართულებით.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5