ირაკლი კობახიძემ იუნკერთა მემორიალი გვირგვინით შეამკო

შაბათი, 25 თებერვალი, 2017 - 15:48

 ჩვენ დღეს პატივი მივაგეთ დაღუპული გმირების ხსოვნას. ეს გმირები დაიღუპნენ ოკუპაციასთან, გასაბჭოების წინააღმდეგ ბრძოლაში. სამწუხაროა, რომ ოკუპაცია არის ის საკითხი, რომელიც დღემდე ძალიან აქტუალურ პრობლემად რჩება ჩვენთვის და ჩვენი ვალია, ყველაფერი გავაკეთოთ იმისთვის, რომ უზრუნველვყოთ ჩვენი ქვეყნის ერთიანობა და ტერიტორიული მთლიანობა,- ამის შესახებ საქართველოს პარლამენტის თავმჯდომარემ იუნკერთა მემორიალთან განაცხადა.

ირაკლი კობახიძე მემორიალთან პრემიერ მინისტრ გიორგი კვირკვაშვილთან და თავდაცვის მინისტრ ლევან იზორიასთან ერთად იმყოფებოდა.

1921 წლის 25 თებერვალს საქართველოს დამოუკიდებლობისთვის ბრძოლაში კოჯორ-ტაბახმელას მისადგომებთან გმირულად დაღუპული იუნკერების მემორიალთან, ირაკლი კობახიძესთან ერთად, საპარლამენტო უმრავლესობის წევრები - ირაკლი სესიაშვილი, მამუკა მდინარაძე და ბექა ოდიშარია იმყოფებოდნენ. დეპუტატებმა დაღუპული ახალგაზრდების ხსოვნას წუთიერი დუმილით მიაგეს პატივი.

1921 წლის თებერვალში რუსეთის წითელ არმიასთან უთანასწორო ბრძოლას იუნკერთა დიდი ნაწილი ემსხვერპლა. ბრძოლების ძირითადი ნაწილი კოჯრისა და ტაბახმელას მიდამოებში გაიმართა. 1921 წლის 25 თებერვალს საბჭოთა რუსეთის მე-11 წითელმა არმიამ თბილისი დაიკავა და საქართველოს დემოკრატიული რესპუბლიკის ოკუპაცია მოახდინა. საქართველოს პარლამენტის 2010 წლის 21 ივლისის დადგენილების თანახმად, ყოველი წლის 25 თებერვალი საბჭოთა ოკუპაციის დღედაა გამოცხადებული და საქართველოს მთელ ტერიტორიაზე სახელმწიფო დროშები ეშვება.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5