ეუთოს საპარლამენტო ასამბლეის ზამთრის სესია მუდმივმოქმედი კომიტეტის სხდომით გაიხსნა

ხუთშაბათი, 23 თებერვალი, 2017 - 14:37

ვენაში, ჰოფბურგის კონგრეს ცენტრში, ეუთოს საპარლამენტო ასამბლეის ზამთრის სესია გაიხსნა. საპარლამენტო ასამბლეის დელეგატებმა პირველი შეხვედრა მუდმივმოქმედ კომიტეტში გამართეს და ზამთრის სესიის ფარგლებში განსახილველ საკითხებზე ისაუბრეს.

საპარლამენტო ასამბლეის მონაწილეებს საქართველოს დელეგაციის ხელმძღვანელმა, საგარეო ურთიერთობათა კომიტეტის თავმჯდომარემ, სოფიო ქაცარავამ მიმართა და 2016 წელს საპარლამენტო არჩევნებზე სადამკვირვებლო მისიების მონაწილეობაზე მადლიერება გამოხატა.

„როგორც დელეგაციის ახალი ხელმძღვანელს, მსურს, პირველ რიგში, მადლობა გადაგიხადოთ თბილი მიღებისთვის და გამოვხატო მადლიერება სადამკვირვებლო მისიის მიმართ, საქართველოში ოქტომბრის საპარლამენტო არჩევნებზე დაკვირვებაში მონაწილეობის გამო, რასაც ჩვენ ძალიან ვაფასებთ. ეს იყო ძალიან მნიშვნელოვანი არჩევნები საქართველოსთვის და ანგარიშები, რომლებიც მომზადდა სადამკვირვებლო მისიების მიერ, მკაფიოდ უსვამდა ხაზს ერთ მნიშვნელოვან პუნქტს - საქართველომ კიდევ ერთხელ დაადასტურა, რომ რეგიონში დემოკრატიული გარდაქმნის ლიდერია. ნება მომეცით, კიდევ ერთხელ დაგარწმუნოთ, რომ საქართველო დემოკრატიის კონსოლიდაციის გაგრძელების ერთგულია. ჩვენ ძალიან დავაფასებთ თანამშრომლობას ჩვენს პარტნიორებთან, თქვენთან, რომ ეს გზა გავაგრძელოთ. მოველი თქვენთან და ჩვენს პარნტიორებთან თანამშრომლობას მომავალშიც და რა თქმა უნდა, ადრე აღნიშნული ხარვეზების განხილვას“, - განაცხადა სოფიო ქაცარავამ.

ეუთოს საპარლამენტო ასამბლეის ზამთრის სესიის განსახილველ საკითხებზე შეფასება საპარლამენტო ასამბლეის ვიცე-პრეზიდენტმა, გიორგი წერეთელმა გააკეთა. მისი განცხადებით, ორი დღის განმავლობაში სესიის მონაწილეები მნიშვნელოვან დისკუსიებს და დებატებს გამართავენ, ერთ-ერთი მთავარი თემა კი „კრიზისის პერიოდში ადამიანის უფლებების დაცვა“ იქნება.

„ჩვენი ამოცანაა ის რეზოლუციები და პროექტები, რომლებიც მომზადდება უკვე ზაფხულის სესიისათვის, აისახოს ის პრიორიტებები, რომელიც აქვს საქართველოს“, - აღნიშნა გიორგი წერეთელმა.

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.8
  • 3.07
  • 0.04
  • 0.68
  • 1.39