„ჯორჯიან უოთერ ენდ ფაუერი“ 300 ადგილზე ვაკანსიას აცხადებს

პარასკევი, 17 თებერვალი, 2017 - 16:31

„ჯორჯიან უოთერ ენდ ფაუერი“ დამატებით 300 ადამიანს დაასაქმებს. კომპანია დასაქმების ფორუმს 22 თებერვალს „ექსპო ჯორჯიაში“, მესამე პავილიონში გამართავს.

ფორუმის მიზანია ტექნიკური, კომერციული და ადმინიტრაციული მიმართულებებით განვითარებაზე ორიენტირებული სპეციალისტების მოზიდვა, შერჩევა და დასაქმება. პროექტის მხარდამჭერია საქართველოს შრომის, ჯანმრთელობისა და სოციალური დაცვის სამინისტროს, სოციალური მომსახურების სააგენტო, რომელმაც მათ სისტემაში რეგისტრირებულ სამუშაოს მაძიებლებს (www.worknet.gov.ge) ,,ჯორჯიან უოთერ ენდ ფაუერში“ არსებული აქტუალური ვაკანსიების შესახებ ინფორმაცია მიაწოდა და დასაქმების ფორუმზე მოიწვია.

ასევე დასაქმების ფორუმის აქტიური მხარდამჭერები არიან ქალაქ თბილისის მუნიციპალიტეტის მერია და თბილისის საკრებულო. ღონისძიებაზე კანდიდატებს საშუალება ექნებათ სასურველი ვაკანსიის შესახებ დეტალური ინფორმაციის მისაღებად კომპანიის დარგობრივი მიმართულების ექსპერტებს გაესაუბრონ.

დასაქმების მსურველებმა სასურველია ონლაინ რეგისტრაცია, წინასწარ, კომპანიის ოფიციალურ ვებ გვერდზე და ფეისბუქ გვერდზე გაიარონ.

აღსანიშნავია, რომ კომპანია „ჯორჯიან უოთერ ენდ ფაუერმა“, 2017 წელი, წინა წელთან შედარებით, გაორმაგებული ინვესტიციებით დაიწყო, რაც თავის მხრივ ინფრასტრუქტურული განვითარებისთვის - 80 მლნ ლარზე მეტის ინვესტიციას გულისხმობს. კომპანიის ძირითადი საინვესტიციო მიმართულება ინფრასტრუქტურის განვითარება და განახლებაა. შესაბამისად კომპანიისთვის აუცილებელია ახალი კადრების მოზიდვა და პროფესიული გადამზადება, რისთვისაც დასაქმების ფორუმი საუკეთესო საშუალებაა.

როგორც კომპანიაში აცხადებენ, „ჯორჯიან უოთერ ენდ ფაუერი“ წყალმომარაგების სფეროს სპეციალისტების განვითარების მიზნით, მსგავსი ტიპის პროექტებს მუდმივად განახორციელებს.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61