სირიაში რუსეთის საჰაერო თავდასხმებს სამი თურქი სამხედრო ემსხვერპლა, არიან დაჭრილები

ხუთშაბათი, 09 თებერვალი, 2017 - 22:12

თურქეთის გენერალური შტაბის არმიის ინფორმაციით, სირიაში რუსეთის თავდასხმებს  სამი თურქი სამხედრო ემსხვერპლა.

ამავე თავდასხმების დროს ასევე დაშავდა 11 ჯარისკაცი, -  იუწყება Associated Press.

მომხდართან დაკავშირებით რუსეთის პრეზიდენტმა ვლადიმერ პუტინმა თურქეთის ლიდერს რეჯეპ ტაიპ ერდოღანს ტელეფონით ესაუბრა და დაღუპული სამხედროების გამო მწუხარება გამოთქვა.

რუსულმა ბომბდამშენებმა საჰაერო დარტყმები ქალაქ ალ-ბაბის სიახლოვეს განახორციელეს, სადაც  გასული წლის ბოლოდან თურქეთის არმია "ისლამური სახელმწიფოს" წინააღმდეგ  სახმელეთო ოპერაციას  ახორციელებს.

როგორც თურქეთის გენშტაბის განცხადებაშია ნათქვამი,  ხუთშაბათს, დილით, რუსულმა თვითმფრინავებმა შემთხვევით დაბომბეს შენობა, რომელშიც ოპერაცია  "ევფრატის ფარის" მონაწილე თურქი ჯარისკაცები იმყოფებოდნენ. 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61