თუ ვინმესგან მოვისმენ იმ გეგმას, როგორ უნდა გამოვიდეთ კრიზისიდან ისე, რომ გადაცემები არ შევაჩეროთ, სიამოვნებით მოვისმენ - ვასილ მაღლაფერიძე

ორშაბათი, 06 თებერვალი, 2017 - 15:18

საზოგადოებრივი მაუწყებლის გენერალური დირექტორის ვასილ მაღალფერიძის განცხადებით, ფინანსები და ელემენტარული მატერიალურ-ტექნიკური ბაზის შექმნის მიზნით მაუწყებელზე 2018 წლამდე დროებით შეჩერდა გადაცემები.

”საჭიროა ფინანსები და ელემენტარული მატერიალურ-ტექნიკური ბაზის შექმნა, რომელიც აქვს ყველა სხვა ტელევიზიას და არ აქვს ამ ტელევიზიას. ამისთვის საჭიროა 2018 წლამდე დროებით შევაჩეროთ გადაცემები, რათა მოვამზადოთ პლატფორმა. ჩვენ დროებით ვაჩერებთ გადაცემებს, რათა დიდი ხნით არ გაჩერდეს მაუწყებელი. ეს არის ჩვენი გეგმა ეს არის ჩვენი ანალიზი, ჩვენი საექსპერტო დასკვნა აქ არსებული მდგომარეობისა“, - აცხადებს მაღლაფერიძე.

მაღლაფერიძის თქმით, ამორტიზებული შენობის გამო შექმნილია არასათანადო სამუშაო პირობები. მისივე განცხადებით, ამ პირობებში შეუძლებელია უსაფრთხოების და მათ შორის, სახანძრო ნორმების დაცვა.

„ის შენობა, რომელშიც ახლა ვიმყოფებით, ექსპერტების შეფასებით, ტექნოლოგიურ ჩარევას ვერ უძლებს, შეუძლებელია რემონტის გაკეთება, შენობა ამორტიზებულია, ნგრევის პირასაა. თუ მოვისმენთ იმ გეგმას, როგორ უნდა გამოვიდეთ კრიზისიდან ისე, რომ არც გადაცემები შევაჩეროთ, ამ არსებულ თანხებში ყველაფრის ისევ ისე კეთება გავაგრძელოთ, როგორ მოვუმატოთ თანამშრომლებს ხელფასები, როგორ ვიყიდოთ ახალი ტექნიკა, მე ამ პროექტს სიამოვნებით მოვუსმენდი", - აცხადებს მაღლაფერიძე.

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41