ირმა ინაშვილი ლიტვის საგანგებო და სრულუფლებიან ელჩს შეხვდა

ორშაბათი, 06 თებერვალი, 2017 - 12:57

 საქართველოს პარლამენტის თავმჯდომარის მოადგილემ, ფრაქცია „საქართველოს პატრიოტების“ წევრმა, ირმა ინაშვილმა ლიტვის საგანგებო და სრულუფლებიან ელჩთან, გიედრიუს პუოჯუნასთან შეხვედრა გამართა.

გაცნობითი ხასიათის შეხვედრაზე საქართველოსა და ლიტვას შორის არსებულ აქტიურ ურთიერთობებზე და ორი ქვეყნის პარლამენტებს შორის თანამშრომლობის გაღრმავების გზებზე ისაუბრეს. შეხვედრაზე, ირმა ინაშვილმა სტუმარს ფრაქცია „საქართველოს პატრიოტების“ საპარლამენტო საქმიანობასა და საკანონმდებლო ინიციატივების შესახებ მიაწოდა ინფორმაცია.

ელჩი დაინტერესდა საკონსტიტუციო კომისიის მუშაობით და ფრაქციის ხედვით ამ საკითხზე.

„მე ელჩს დეტალური ინფორმაცია მივაწოდე თუ რა ინიციატივებით შედის ფრაქცია „საქართველოს პატრიოტები“ საკონსტიტუციო კომისიაში, როგორია ჩვენი ხედვა ფარული მოსმენების კანონპროექტთან და პრეზიდენტის არჩევის წესთან დაკავშირებით, ასევე, საარჩევნო სისტემის რომელ მოდელს ვუჭერთ მხარს,“-განაცხადა ირმა ინაშვილმა.

მხარეებმა ყურადღება საქართველოსა და ლიტვას შორის არსებულ მჭიდრო ეკონომიკურ თანამშრომლობაზე გაამახვილეს და საქართველოში არსებულ ეკონომიკურ ვითარებაზე ისაუბრეს. ირმა ინაშვილმა ელჩს პარტია „საქართველოს პატრიოტების“ ეკონომიკური პროგრამა გააცნო.

შეხვედრაზე გამოითქვა მზადყოფნა, რომ ორი ქვეყნის პარლამენტი ერთმანეთს საკანონმდებლო ინიციატივების ნაწილში გამოცდილებას გაუზიარებს. ასევე აღინიშნა, რომ უახლოეს მომავალში, ლიტვაში, საქართველოსა და ლიტვის პარლამენტების მეგობრობის ჯგუფების ფარგლებში, საქართველოს პარლამენტის წევრების ვიზიტი დაიგეგმება.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5