მარინ ლე პენის პრეზიდენტად არჩევის შემთხვევაში, საფრანგეთი ნატოს და ევროკავშირს დატოვებს

, 05 თებერვალი, 2017 - 13:39

პრეზიდენტობის კანდიდატი მარინ ლე პენი, იმ შემთხვევაში, თუ საფრანგეთის პრეზიდენტად აირჩევენ, ქვეყანას ნატო-ს დაატოვებინებს, ხოლო ევროკავშირის წევრობაზე რეფერენდუმს გამართავს.

აღნიშნულის შესახებ პრეზიდენტობის კანდიდატის საარჩევნო პროგრამაშია ნათქვამი.

 მარინ ლე პენის საარჩევნო პროგრამა 144 პუნქტს შეიცავს. როგორც პროგრამაშია ნათქვამი,  ევროპა უნდა შედგებოდეს დამოუკიდებელი სახელმწიფოებისგან, რომლებიც საკუთარი ხალხის სამსახურში იქნებიან.

რაც შეეხება ქვეყნის ნატოს წევრობას, ლე პენი  ორგანიზაციას ქვეყანა დატოვებს, რათა  საფრანგეთი არ აღმოჩნდეს  ომში ჩართული, "რომელიც  მის ინტერესებში არ შედის".

ამას გარდა, გაპრეზიდენტების შემთხვევაში, მარინ ლე პენი გეგმავს სამხედრო ხარჯებისა და მშპ-ის გაზრდას, სრულფასოვანი სამხედრო მრეწველობის შექმნას, რათა უზრუნველყოფილი იყოს საფრანგეთის სტრატეგიული დამოუკიდებლობა.

ლე პენი ასევე, მომდევნო ხუთი წლის განმავლობაში, ტერორიზმის აღმოფხვრის დაპირებას იძლევა. გეგმავს საფრანგეთში რადიკალური ისლამისტების ყველა ორგანიზაციისა და  მეჩეთის დახურვას, სადაც ექსტრემიზმის ქადაგება  ხდება. რაც შეეხება არაკონტროლირებად მიგრაციას, ლე პენის თქმით, ამას ბოლო უნდა მოეღოს. 

პრეზიდენტობის კანდიდატი ამომრჩეველს ეროვნული ასამბლეისა და სენატორების რაოდენობის შემცირებას სთავაზობს, სანაცვლოდ აქცენტი სოციალურ საკითხებზე გაკეთდება.

მარინ ლე პენი  საფრანგეთის პრეზიდენტობის კანდიდატად  კონსერვატიული პარტია "ეროვნულმა ფრონტმა" წარადგინა. გამოკითხვების თანახმად, საპრეზიდენტო რბოლაში სამი კანდიდატი ლიდერობს:  მარინ ლე პენი, ეკონომიკის ყოფილი მინისტრი ემანუელ მაკრონი  და ყოფილი პრემიერ-მინისტრი ფრანსუა ფიიონი.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.06
  • 3.46
  • 0.04
  • 0.66
  • 1.45