საპარლამენტო დელეგაციის წევრები დიდი ბრიტანეთის პარლამენტში შეხვედრებს მართავენ

ხუთშაბათი, 02 თებერვალი, 2017 - 12:32

 საქართველოს დელეგაცია, ვესმინსტერის დემოკრატიული ფონდის ორგანიზებით, ლონდონში ვიზიტით იმყოფება, სადაც დიდი ბრიტანეთის პარლამენტში შეხვედრებს მართავს. შეხვედრების მიზანია საპარლამენტო კონტროლის მექანიზმების გაძლიერება და გამოცდილების გაზიარებაა.

დელეგაციის შემადგენლობაში არიან: პარლამენტის იურიდიულ საკითხთა კომიტეტის თავმჯდომარე ეკა ბესელია, საფინანსო-საბიუჯეტო კომიტეტის თავმჯდომარე ირაკლი კოვზანაძე, გარემოს დაცვის და ბუნებრივი რესურსების კომიტეტის თავმჯდომარე კახაბერ კუჭავა, აგრარულ საკითხთა კომიტეტის თავმჯდომარე ოთარ დანელია, გენერალური აუდიტორი ლაშა თორდია, გენერალური აუდიტორის პირველი მოადგილე ნინო ლომჯარია, გენერალური აუდიტორის მოადგილე დევი ვეფხვაძე, პარლამენტის საბიუჯეტო ოფისის ხელმძღვანელი თათია ხეთაგური და სხვები.

ვიზიტის ფარგლებში, გუშინ, დელეგაციის წევრებმა შეხვედრები გამართეს დიდი ბრიტანეთის პარლამენტის საქართველოს საკითხებზე პარტიათაშორისი საპარლამენტო ჯგუფის (მეგობრობის ჯგუფის) თავმჯდომარესთან, ჯონათან ჯანოღლისთან და უცხოეთთან ურთიერთობის, საჯარო ანგარიშებისა და მართლმსაჯულების კომიტეტების წარმომადგენლებთან. დღეს, გაიმართება შეხვედრა ფინანსური ზედამხედველობის განყოფილების წარმომადგენლებთან, ხვალ კი, დელეგაციის წევრები აუდიტის სამსახურის საქმიანობას და საჯარო ანგარიშების კომიტეტთან მის თანამშრომლობას გაეცნობიან.

საქართველოს დელეგაციის დიდ ბრიტანეთში ვიზიტი ხვალ დასრულდება.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.55
  • 3
  • 3.4
  • 0.04
  • 0.66
  • 1.5