„ლიტვური საცხობის“ პურის „სვეიკატას“ გამოყენება დიაბეტით დაავადებულთათვის შესაძლებელია ექიმის რეკომენდაციით

ოთხშაბათი, 01 თებერვალი, 2017 - 19:56

„ლიტვური საცხობის“ მიერ წარმოებულ ჭვავის პურს „სვეიკატას“ დიეტურის სტატუსი სათანადო ლაბორატორიული კვლევების გავლის შედეგად მიენიჭა. შესაბამის განცხადება, საინფორმაციო-ანალიტიკურ პორტალ „კვირას“ პრესკლუბში, ნათაძის სახელობის სანიტარიის, ჰიგიენის და სამედიცინო ეკოლოგიის სამეცნიერო-კვლევითი ინსტიტუტის დირექტორის მოადგილემ ქეთი დადიანმა გააკეთა და პროცედურები განმარტა.

 „მე შემიძლია გითხრათ, როგორც საქართველოს შრომის ჯანმრთელობისა და სოციალური დაცვის სამინისტროს ექსპერტმა, სამინისტროს მხრიდან მომემართა შესაბამისი წერილით, შემესწავლა ამ პურის ქიმიური შემადგენლობა, ენერგეტიკული ღირებულება და ის მახასიათებლები, რომელიც საფუძველს მოგვცემდა, გადაგვეწყვიტა საკითხი იმის თაობაზე, შეგვეძლო თუ არა აღნიშნული პროდუქციის ეტიკეტზე დაგვეტანა ტერმინები „დიეტური“ ან „დიაბეტური“, რაც დღეისთვის საქართველოს კანონმდებლობით წარმოადგენს საქართველოს შრომის, ჯანმრთელობისა სოციალური დაცვის სამინისტროს პრეროგატივას. შესაბამისად, რა თქმა უნდა, მეწარმემ წარმოადგინა ჩვენთან დოკუმენტაცია აღნიშნულ პროდუქციასთან დაკავშირებით და ჩვენ ვთხოვეთ, რომ მას წარმოედგინა ნიმუშები, რომლის ლაბორატორიული კვლევა ჩატარდა სანიტარიის, ჰიგიენის და სამედიცინო ეკოლოგიის სამეცნიერო-კვლევითი ინსტიტუტის აკრედიტებულ ლაბორატორიაში, რომელიც აკრედიტირებულია iso 17-025 საერთაშორისო სტანდარტის შესაბამისად. ამ პროდუქციის კვლევა, ასევე დოკუმენტის ანალიზი საკმაოდ ხანგრძლივი პროცესი იყო, დაახლოებით 6 თვის განმავლობაში მიმდინარეობდა. გამოკვლეული იქნა ამ პროდუქციის კვებითი ღირებულება, აქ მე წარმოდგენილი მაქვს ლაბორატორიული გამოცდის დასკვნები, ოქმები ამ პროდუქციის ქიმიური შემადგენლობის თაობაზე. ამ ლაბორატორიული კვლევის ოქმებზე დაყრდნობით მიღებულ იქნა გადაწყვეტილება, რომ „სვეიკატას“ შესაძლებელი იყო მისცემოდა უფლება დაეტანა ეტიკეტზე „დიეტური“ და თან „დიაბეტური“, თუმცა ჩვენ მივეცით რეკომენდაცია ბიზნესოპერატორს, რომ მას “დიეტურის” დატანის უფლება მისცემოდა მხოლოდ იმ პირობის გათვალისწინებით, რომ ეტიკეტზე მითითებული ყოფილიყო ევროკომისიის 19/99/ 23 დირექტივის შესაბამისად, რომ აღნიშნული პურის გამოყენება დიაბეტით დაავადებულ პირთათვის შესაძლებელია ექიმის რეკომენდაციით“, – განაცხადა ქეთი დადიანმა.

„ლიტვური საცხობის“ მიერ პურის ღებვის თაობაზე გავრცელებულ ინფორმაციასთან დაკავშირებით, დღეს „კვირას“ პრესკლუბში საქართველოში შპს „ლიტვური საცხობის” დამფუძნებელმა და მმართველმა დირექტორმა არუნას მეშკაუსკასმა ლიტვის ელჩთან და ნათაძის სახელობის სანიტარიის, ჰიგიენის და სამედიცინო ეკოლოგიის სამეცნიერო-კვლევითი ინსტიტუტის დირექტორის მოადგილესთან ერთად გამართა.

„ლიტვური საცხობის“ დირექტორი აღნიშნულ ინფორმაციას კატეგორიულად უარყოფს და აცხადებს, რომ მისი კომპანია ნატურალურ პროდუქტს აწარმოებს. 

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5