დონალდ ტრამპი და ვლადიმერ პუტინი სირიაში ტერორისტების წინააღმდეგ ერთობლივ ბრძოლაზე შეთანხმდნენ

შაბათი, 28 იანვარი, 2017 - 23:35

ამერიკისა და რუსეთის პრეზიდენტებს შორის პირველი სატელეფონო საუბარი შედგა.  დონალდ ტრამპმა და  ვლადიმერ პუტინმა  მიმდინარე საერთაშორისო საკითხები განიხილეს, მათ შორის ტერორიზმის წინააღმდეგ ბრძოლა, ვითარება ახლო აღმოსავლეთში, არაბეთ-ისრაელის კონფლიქტი,  ირანის ბირთვული პროგრამა და კორეის ნახევარკუნძულზე შექმნილი ვითარება.

ორივე პრეზიდენტი  შეთანხმდა, შეიქმნას რეალური კოორდინაცია სირიაში ტერორისტული დაჯგუფების წინააღმდეგ საბრძოლველად.

აშშ-ის პრეზიდენტი რუს კოლეგას  ოვალური დარბაზიდან ესაუბრა, საუბარს კი ტრამპის  მრჩევლები,  აშშ-ის ვიცე-პრეზიდენტი მაიკ პენსი,  პრეზიდენტის თანაშემწე უსაფრთხოების საკითხებში  მაიკლ ფლინი, თეთრი სახლის აპარატის უფროსი რაინს პრიბესი და  პრეზიდენტის პოლიტიკური მრჩეველი სტივენ ბენონი ესწრებოდნენ.

მანამდე, პუტინთან საუბარს  წინ უძღოდა სატელეფონო საუბარი გერმანიის კანცლერ ანგელა მერკელთან.

 

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59