დონალდ ტრამპის მრჩეველმა ამერიკულ მედიას მოკეტვა ურჩია

პარასკევი, 27 იანვარი, 2017 - 13:35

აშშ-ის პრეზიდენტის დონალდ ტრამპის მრჩეველმა სტივენ ბენონმა The New York Times-სთვის მიცემულ ინტერვიუში ამერიკულ მედიას "მოკეტვა" ურჩია.

"მედიას  უნდა რცხვენოდეს და თავი დამცირებულად უნდა იგრძოს, მოკეტოს და ცოტა სხვასაც მოუსმინოს" - განაცხადა ბენონმა გამოცემასთან.

პრეზიდენტის მრჩევლის თქმით, 2016 საპრეზიდენტო არჩევნების შედეგები აშშ-ს მედიისთვის სრულიად მოულოდნელი აღმოჩნდა და მათი დამამცირებელი მარცხი არასდროს წაიშლება ისტორიიდან.

"ამერიკაში მედია ოპოზიციურ პარტიებს წარმოადგენენ. მათ არ ესმით ამ ქვეყნის. მათ ჯერ კიდევ არ ესმით, რატომ გახდა დონალდ ტრამპი ამერიკის შეერთებული შტატების პრეზიდენტი ", - განაცხადა სტივენ ბენონმა.

მანამდე, დონალდ ტრამპის მრჩეველმა კელიენ კონუეიმ განაცხადა, რომ ახალი ადმინისტრაცია აპირებს გადახედოს მედიასთან ურთიერთობას.

მსგავსი სიახლეები