გიორგი მღებრიშვილი ავსტრიის რესპუბლიკის ელჩს შეხვდა

პარასკევი, 27 იანვარი, 2017 - 11:55

შინაგან საქმეთა მინისტრი გიორგი მღებრიშვილი ავსტრიის რესპუბლიკის ელჩს საქართველოში არად ბენკოს შეხვდა. შეხვედრაზე შს მინისტრმა და ავსტრიის ელჩმა საქართველოსა და ავსტრიის შინაგან საქმეთა სამინისტროებს, ასევე, ორი ქვეყნის კრიმინალური პოლიციის სამსახურებს შორის არსებული მჭიდრო და ნაყოფიერი თანამშრომლობის შესახებ ისაუბრეს.

როგორც გიორგი მღებრიშვილმა აღნიშნა, საქართველოს შინაგან საქმეთა სამინისტროს ავსტრიასთან საპოლიციო სფეროში მნიშვნელოვანი საერთაშორისო ხელშეკრულებები აქვს გაფორმებული, რომელთა საფუძველზეც ეფექტური თანამშრომლობა ხორციელდება. შს მინისტრმა და ავსტრიის ელჩმა პოლიციის ატაშეების საქმიანობა თბილისსა და ვენაში პოზიტიურად შეაფასეს. შეხვედრაზე ასევე ხაზი გაესვა იმ ფაქტს, რომ ავსტრია ერთ-ერთი პირველი სახელმწიფოა, რომელმაც საქართველო უსაფრთხო ქვეყნებს შორის დაასახელა.

შს მინისტრმა ავსტრიის ელჩს საქართველოს შს სამინისტროში განხორციელებული და დაგეგმილი პროექტები გააცნო, მათ შორის, მაღალტექნოლოგიური და მულტიფუნქციური ერთობლივი ოპერაციების ცენტრი, რომელიც უწყების ყველა სტრუქტურულ დანაყოფს აერთიანებს.

შეხვედრაზე გიორგი მღებრიშვილმა და არად ბენკომ მიმდინარე წლის პირველ ნახევარში ავსტრიის შინაგან საქმეთა მინისტრის, ვოლფგანგ სობოტკას საქართველოში ვიზიტის დეტალები და ორი ქვეყნის სამართალდამცავ უწყებებს შორის თანამშრომლობის გაღრმავების სამომავლო გეგმები განიხილეს.

შეხვედრის დასასრულს, გიორგი მღებრიშვილმა, შს სამინისტროს სახელით, ავსტრიის მხარეს მტკიცე მხარდაჭერისა და საქართველოს ვიზალიბერალიზაციის პროცესში შეტანილი წვლილისათვის მადლობა გადაუხადა.

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41