შესაძლებელი იყო მომხსენებელს უფრო მეტად ჩაეხედა საკითხის არსში და საქართველოში არსებული მედია კონტექსტი უკეთესად ყოფილიყო შეფასებული - თამარ ჩუგოშვილი

ოთხშაბათი, 25 იანვარი, 2017 - 12:22

 სტრასბურგში მიმდინარე ევროპის საბჭოს საპარლამენტო ასამბლეაზე წარმოდგენილი იყო რეზოლუციის პროექტი, რომელიც შეეხებოდა ევროსაბჭოს წევრ რამდენიმე ქვეყანაში მედიის თავისუფლების თვალსაზრისით არსებულ ვითარებას. რეზოლუციის პროექტში აღნიშნულია, რომ საქართველოში მედიათავისუფლების და მედიაპლურალიზმის თვალსაზრისით მნიშვნელოვანი გაუმჯობესებაა.

საქართველოს პარლამენტის დელეგაციის მიერ აღნიშნული საკითხის რეზოლუციის პროექტში შეტანას მხარი ბევრმა პარტნიორმა ქვეყანამ დაუჭირა.

როგორც საქართველოს საპარლამენტო დელეგაციის ხელმძღვანელმა, პარლამენტის თავმჯდომარის პირველმა მოადგილემ, თამარ ჩუგოშვილმა განაცხადა, ქართული მხარის მიერ შეთავაზებული ცვლილება სრულად არ იქნა გათვალისწინებული.

„ჩვენს მიერ შეთავაზებული ცვლილება, ნაწილობრივ იქნა გათვალისწინებული, სადაც აღნიშნულია, რომ მედია გარემოს კუთხით საქართველოს კანონმდებლობა უზრუნველყოფს საუკეთესო გარემოს იმისთვის, რომ მედიამ შეძლოს თავისუფლად არსებობა, საქმიანობა და შექმნას პლურალისტური გარემო. ამ ნაწილს მომხსენებელი დაეთანხმა. რეზოლუციაში ასევე აღნიშნულია, რომ ის სასამართლო დავა, რომელიც მიმდინარეობს, საერთაშორისო თუ ადგილობრივ სამოქალაქო საზოგადოებაში გარკვეულ კითხვებს აჩენს, რაც ჩვენ ისედაც ვიცით. ცნობილია, რომ ეს დავა იწვევს საკმაოდ დიდ ვნებათაღელვას. სწორედ ამიტომ, სასურველია, რომ, რაც შეიძლება მალე იქნას მიღებული გადაწყვეტილება და შესაბამისად, ეს კითხვები მოიხსნას. ვფიქრობ, რომ პრინციპში, ძირითადად, მნიშვნელოვანია, რომ ეს პოზიტიური შეფასებები და მოსაზრებებიც არის ასახული რეზოლუციაში. მიმაჩნია ასევე, რომ შესაძლებელი იყო მომხსენებელს უფრო მეტად ჩაეხედა საკითხის არსში და საქართველოში არსებული მედია კონტექსტი უკეთესად ყოფილიყო შეფასებული. თუმცა, რა თქმა უნდა, ეს ჩვენი ამოცანაა პრინციპში, რომ საზოგადოებას და საპარლამენტო ასამბლეის წევრებს მივაწოდოთ სრული ინფორმაცია და სწორედ ამ ამოცანას ვემსახურებით“,-აღნიშნა თამარ ჩუგოშვილმა.

ევროპის საბჭოს საპარლამენტო ასამბლეაში, 2015 წლიდან, შექმნილია პლატფორმა, რომელიც ევროსაბჭოს წევრ ქვეყნებში მედიის თავისუფლების და ზოგადად, ჟურნალისტებზე თავდასხმის ფაქტების შესახებ ინფორმაციას სწავლობს.

როგორც საქართველოს პარლამენტის საზოგადოებასთან ურთიერთობისა და ინფორმაციის დეპარტამენტში აცხადებენ,   ამ რეზოლუციაში საქართველოსთან მიმართებაში პირველად გაჩნდა პოზიტიური ჩანაწერი. 

 

 

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.39