საქართველოს სახალხო დამცველმა საცხოვრისით დაკმაყოფილების პროცესში საცხოვრებელი ადგილის ნიშნით დისკრიმინაცია დაადგინა

სამშაბათი, 24 იანვარი, 2017 - 12:44

საქართველოს სახალხო დამცველმა თბილისის მუნიციპალიტეტის საკრებულოს თავმჯდომარეს და თბილისის მერს რეკომენდაციით მიმართა, რომ უსახლკაროთა სათანადო საცხოვრისით დაკმაყოფილების სტრატეგია დაგეგმოს იმგვარად, რომ ყველა უსახლკარო ადამიანის/ოჯახის აღრიცხვა და მათი საცხოვრებლით თანასწორ საფუძველზე დაკმაყოფილება უზრუნველყოს.

თბილისის საკრებულოს 2015 წლის 27 ნოემბრის დადგენილების თანახმად, ორხევის სოციალური საცხოვრისით დაკმაყოფილების საკითხის განხილვის პროცესში უპირატესობა ისნის ყოფილი სამხედრო ჰოსპიტალის შენობასა და ზღვის უბნის კორპუსებში მაცხოვრებელ პირებს ენიჭებათ.

სახალხო დამცველმა მიიჩნია, რომ მოპასუხემ ვერ დაასაბუთა მსგავსი უპირატესობების საფუძველი. რეკომენდაციის თანახმად, პრობლემის გადაჭრის გზებმა არასწორი მოლოდინები არ უნდა შეუქმნას მოწყვლად ჯგუფს; აუცილებელია, სახელმწიფომ გაიაზროს, რომ სათანადო საცხოვრისით უზრუნველყოფის პროცესის დაგეგმვა ძირითად როლს ასრულებს უსახლკარობის აღმოფხვრის საქმეში, ხოლო უსახლკარობის წინააღმდეგ ეფექტური პოლიტიკის არარსებობამ შესაძლოა ბიძგი მისცეს და გაამყაროს სოციალური სეგრეგაცია, რაც თავის მხრივ ხანგრძლივ უთანასწორობას იწვევს.

სახალხო დამცველმა თბილისის მუნიციპალიტეტის საკრებულოსა და თბილისის მერიას მიმართა რეკომენდაციით, რომ ორხევის სოციალური საცხოვრისით დაკმაყოფილებისას იხელმძღვანელოს თანასწორობის პრინციპის დაცვით და მომავალში აქტიური საინფორმაციო კამპანია ჩაატარონ მსგავსი სოციალური პროგრამების შესახებ, რათა ყველა დაინტერესებული პირის ინფორმირება მოხდეს.

მსგავსი სიახლეები

"ახალი საქართველო"-ს ტელე არქივი

სოციალური ქსელი

უწმინდესი ახლა უფრო დიდ განსაცდელშია, ვიდრე გერმანიაში წასვლის წინ იყო - ელისო კილაძე უძაღლო ქვეყანაში კატებს აყეფებდნენო... ისეა ჩვენი საქმე... - გიორგი მარიამიძე რუსთავი 2-ზე ყველაზე გულისამრევი რუსთავი 2-ის ისტორიაში არის ქიბარ ხალვაშის "რეჟიმის მსხვერპლად" გამოცხადება - თორნიკე შარაშენიძე ყურადღება: რუსთავი 2-ის საქმეზე მოლაპარაკება ირაკლი ოქრუაშვილთან დაიწყო ეს იყო უმკაცრესი პასუხი ვიზალიბერალიზაციაზე და საქართველომ, რუსეთის ხელით, ევროპას სილა გააწნა - სულა სულაშვილი სუსი ევაჭრება მამა გიორგი მამალაძეს, აღიაროს დანაშაული და მას პატრიარქის თხოვნით შეიწყალებენ - ელისო კილაძე

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.45
  • 2.65
  • 3.06
  • 0.04
  • 0.68
  • 1.42