დიპლომატებმა და პოლიტიკოსებმა საზოგადოებრივი მოძრაობა „ახალი ერთობა საქართველოსთვის“ დააფუძნეს

სამშაბათი, 17 იანვარი, 2017 - 13:57

დიპლომატებმა, არასამთავრობო ორგანიზაციების წარმომადგენლებმა და პოლიტიკოსებმა დღეს  საზოგადოებრივი მოძრაობა „ახალი ერთობა საქართველოსთვის“ დააფუძნეს.

მოძრაობაში გაერთიანდნენ ბაჩუკი ქარდავა, მამუკა გამყრელიძე, პაატა დავითაია, ნიკოლოზ ვაშაკიძე, მამუკა ჟღენტი.

მოძრაობის წევრები არ გამორიცხავენ, მომავალში პოლიტიკურ პარტიად გარდაქმნის შესაძლებლობას.

„ახალი ერთობა საქართველოსთვის“ მთავარი იდეა საზოგადოების და ქვეყნის წინაშე არსებული პრობლემების დაძლევა იქნება. მასში გაერთიანება შეეძლება საქართველოს ნებისმიერ მოქალაქეს, პოლიტიკურ პარტიას თუ არასამთავრობო ორგანიზაციას, ვინც იზიარებს მოძრაობის ძირითად პრინციპებსა და ფასეულობებს. 

ახალი საზოგადოებრივი მოძრაობის წევრები აცხადებენ, რომ ისინი ითანამშრომლებენ ხელისუფლებასთან  ნებისმიერ  პოზიტიურ საკითხზე, თუმცა  ნებისმიერი ანტიქართულ ან ანტისახელმწიფოებრივ ქმედებებს წინ აღუდგებიან. არ ითანამშრომლებენ გამოკვეთილად პრორუსულ პარტიებთან.

რაც შეეხება მოძრაობის დაფინანსებას, როგორც მოძრაობის წევრები აცხადებენ, მათ ევროპელი დამფინანსებლები ჰყავთ.

საზოგადოებრივი მოძრაობა "ახალი ერთობა საქართველოსთვის" პრეზენტაცია  სასტუმრო ბილტმორში შედგა.

 

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59