ყავისფერი ბაღლინჯოს წინააღმდეგ ბრძოლა იწყება

ორშაბათი, 16 იანვარი, 2017 - 15:14

ახალი მავნებელის წინააღმდეგ, რომელიც სამეგრელოში შარშან დაფიქსირდა და თხილი და მარცვლეული კულტურები დააზიანა, სურსათის ეროვნული სააგენტო შესაბამის ღონისძიებებს განახორციელებს.

აღნიშნულ საკითხთან დაკავშირებით სამეგრელო -ზემო სვანეთის გუბერნიაში შეხვედრა გაიმართა, რომელსაც სსიპ სურსათის ეროვნული სააგენტოს უფროსი ზურაბ ჩეკურაშვილი, მხარის სახელმწიფო რწმუნებულის მოადგილე დავით კოდუა, გუბერნატორის ადმინისტრაციის და რეგიონში შემავალი მუნიციპალიტეტების წარმომადგენლები ესწრებიდნენ.

ზურაბ ჩეკურაშვილმა ადგილობრივი ხელისუფლების წარმომადგენლებს ყავისფერი ბაღლინჯოს საწინააღმდეგო ღონისძიებების შესახებ ინფორმაცია მიაწოდა. „მავნებლის გამოვლენისთანავე სურსათის ეროვნულმა სააგენტომ დაიწყო საწინააღმდეგო ღონისძიებების გატარებაზე მუშაობა. სააგენტოს ინიციატივით და დონორი ორგანიზაციების დახმარებით საქართველოში ჩამოვიდნენ უცხოელი სპეციალისტები იმ ქვეყნებიდან სადაც აღნიშნულ მავნებელთთან ბრძოლის გამოცდილება გააჩნიათ. ქართველი მცენარეთა დამცველების და უცხოელი ექსპერტების ჩართულობით, მომზადდა სამოქმედო გეგმა, რომლის მიხედვითაც ახალი სახელმწიფო პროგრამა შემუშავდება. მავნებლის საწინააღმდეგოდ კომპლექსური ღონისძიებების ოპერატიულად გატარების მიზნით, ადგილზე შეიქმნება სამუშაო ჯგუფები“ -განაცხადა ზურაბ ჩეკურაშვილმა.

ყავისფერი მარმარა ბაღლინჯოს (ხეშეშფრთიანი ბაღლინჯო) გავრცელება მიმდინარე წლის ზაფხულში დასავლეთ საქართველოში დაფიქსირდა. პოლიფაგი მავნებელი აზიანებს თხილსა და 100-ზე მეტი სახეობის  სასოფლო-სამეურნეო კულტურას.

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.89
  • 3.29
  • 0.04
  • 0.53
  • 1.44