ვის მისალოცად აქვს საქმე და ვის კიდევ მისასამძიმრებლად, ელექტორატმა გადაწყვიტოს - ჯუმბერ კირვალიძე

ხუთშაბათი, 12 იანვარი, 2017 - 22:28

პოლიტოლოგმა ჯუმბერ კირვალიძემ ნაციონალურ მოძრაობაში განვითარებული მოვლენები "სააკაშვილის ნათელაშვილიზაციად" შეაფასა, მელია და გუგავა ერთმანეთს პატრონების ერთგულებით შეადარა.

"დიახ, სააკაშვილი, რაც საქართველოს პრეზიდენტი აღარ არის, უკვე 3 წლზე მეტი გავიდა. ამ პერიოდში მან "მოასწრო" უკრაინის მოქალაქეობის მიღება, რის სანაცვლოდაც საქართველოს მოქალაქეობას გამოემშვიდობა. ოდესის გუბერნატორობაც მოასწრო, თუმცა იქიდანაც "წასვლა მოუწია". მოკლედ,"სულ მინუსებში იყო", მხოლოდ მისი პარტია იყო ერთგული თავშესაფარი, მაგრამ, ამ უკანასკნელ ბასტიონსაც "წყალი შეუდგა". როგორი პირიც უჩანდა "ნაცმოძრაობის" მომავალს, სწორედ ისე წარიმართა მისი საქმეც, ანუ "ნაცმოძი" პირვანდელი სახით აღარ არსებობს, რაშიც ლომის წილი სააკაშვილს მიუძღვის...

ამ პარტიის ცნობილ სახეთა (ლიდერთა) დიდი უმრავლესობა, როგორც განაცხადეს, სააკაშვილს და მის ბელადობისკენ სწრაფვას გაემიჯნა და იგი "ნულების" ამარა დატოვა. მაგალითად, ქვეყნის პარლამენტის 27 მანდატიანი ფრაქციიდან, სააკაშვილთან 5-6 დეპუტატი დარჩა!.. დღეს, სააკაშვილი და მისი "ნაცმოძელები" ძალიან მაგონებს ნათელაშვილს და მის "ლეიბორისტებს", თანაც მათი "პირველი ვეზირებიც", მელია-გუგავა, როგორ ჰგვანან ერთმანეთს, განსაკუთრებით პატრონებისადმი "ერთგულებაში"!. ასე რომ, სახეზეა "სააკაშვილის ნათელაშვილიზაცია" და აქედან გამომდინარე, ვის მისალოცად აქვს საქმე და ვის კიდევ მისასამძიმრებლად, ეს უკვე მათმა "პირადმა" ელექტორატმა გადაწყვიტოს", - აცხადებს კირვალიძე.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.87
  • 3.24
  • 0.04
  • 0.51
  • 1.44