„ქედელების” ბინადრებს პრობაციის ეროვნული სააგენტოს წარმომადგენლებმა საშობაო საჩუქრები გადასცეს

შაბათი, 07 იანვარი, 2017 - 11:38

სასჯელაღსრულებისა და პრობაციის სამინისტროს პრობაციის ეროვნული სააგენტოს უფროსი ზაზა გრიგოლია სოფელ ბოდბეში, სოციალურად უმწეოთა თერაპიის კავშირის - თემი „ქედელების” ბინადრებს ესტუმრა, იქ მცხოვრებ შეზღუდული შესაძლებლობების მქონე ახალგაზრდებს შობა-ახალი წელი მიულოცა და საჩუქრები გადასცა.

პრობაციის ეროვნული სააგენტოს უფროსის განცხადებით, შეზღუდული შესაძლებლობის მქონე პირებს უნდა მიეცეთ ინდივიდუალური განვითარებისა და საზოგადოებრივ ცხოვრებაში აქტიურად ჩართვის შესაძლებლობა.

„თითოეული ჩვენგანი უნდა იყოს გარანტი იმისა, რომ შეზღუდული შესაძლებლობების მქონე მოზარდებისთვის არსებობდეს ღირსეული თანაცხოვრების გარემო,“ - აღნიშნა ზაზა გრიგოლიამ.

პრობაციის სააგენტოს წარმომადგენლებმა ბენეფიციარებს საყოფაცხოვრებო ნივთები და ტკბილეული გადასცეს, მასპინძლებმა კი, სტუმრებს მათ მიერ შექმნილი ხელთნაკეთი ნივთები დაათვალიერებინეს და საკუთარი შემოქმედება გააცნეს.

პრობაციის ეროვნული სააგენტო ხშირად აწყობს მსგავს ჰუმანიტარულ აქციებს და „ქედელების“ ბინადრებს სისტემატურად უწევს სხვადასხვა სახის დახმარებას.

მსგავსი სიახლეები

სოციალური ქსელი

ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს გაიღვიძეთ რა!!! რამ დაგადუმად, რამ დაგაგლახავად ასე! იმოქმედეთ რა!!! - გია მაისაშვილი მაშინ როდესაც ბარბარეს სიცოცხლე ქვევრში ჩაკალით?! აბა, გაბედეთ და იმ ქვევრს ახადეთ თავსახური... - სულა სულაშვილი

გამოკითხვა

ვალუტა

  • 2.68
  • 3.15
  • 3.61
  • 0.05
  • 0.7
  • 1.58