შსს-ს განსაკუთრებულ დავალებათა დეპარტამენტის თანამშრომლებმა სამთო მომზადების ზაფხულის კურსი გაიარეს

შაბათი, 23 ივლისი, 2016 - 12:35

 შსს-ს განსაკუთრებულ დავალებათა დეპარტამენტის 30-მდე თანამშრომელმა, საქართველოს სამთო კურორტების უსაფრთხოების უზრუნველყოფის მიზნით, შსს-სა და თავდაცვის სამინისტროებს შორის არსებული ურთიერთკოორდინაციის ფარგლებში, სამთო მომზადების ზაფხულის ტექნიკური კურსი გაიარა.

სწავლება სტეფანწმინდას მუნიციპალიტეტში მდებარე ჭაოხის მასივში ათი დღის განმავლობაში გაგრძელდა.

განსაკუთრებულ დავალებათა დეპარტამენტის თანამშრომლებმა, პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის ინსტრუქტორების დახმარებით, რთულ რელიეფზე გადაადგილება, კლდეზე მეწყვილესთან ერთად ცოცვა, თოვლზე დაშვება, ნაპრალში ჩავარდნილის ამოყვანა, დაშავებულის ევაკუაცია და სხვადასხვა სირთულის მწვერვალზე ასვლა შეისწავლეს.

ძალოვან უწყებებს შორის მსგავსი მასშტაბური სამთო სწავლება პირველად ჩატარდა. კურსის მიზანი იყო განსაკუთრებულ დავალებათა დეპარტამენტის თანამშრომელების კვალიფიკაციის ამაღლება და მათი მომზადების დონის ევროპულ სტანდარტებთან მიახლოება.

მომზადების კურსის დასრულების შემდეგ, შსს-ს განსაკუთრებულ დავალებათა დეპარტამენტის დირექტორმა, ვიცე-პოლკოვნიკმა მინდია ლორთქიფანიძემ, საქართველოს შეიარაღებული ძალების წვრთნისა და სამხედრო განათლების სარდლის მოადგილემ, ვიცე-პოლკოვნიკმა ზაზა ჯაფარიძემ და საჩხერის სამთო მომზადების სკოლის მეთაურმა, ვიცე-პოლკოვნიკმა ივანე ცხადაძემ ყველა მონაწილეს შესაბამისი სერტიფიკატი გადასცეს.

ღონისძიება სტეფანწმინდას მუნიციპალიტეტში, სოფელ ჯუთაში მდებარე ბანაკ „ზეთაში“, ზღვის დონიდან 2250 მეტრ სიმაღლეზე გაიმართა.

სამთო კურორტებზე უსაფრთხოების უზრუნველყოფის მიზნით, შსს-ს განსაკუთრებულ დავალებათა დეპარტამენტის თანამშრომლებმა სამთო მომზადების პირველი ტექნიკური კურსი, საჩხერის სამთო მომზადების სკოლის ინსტრუქტორების დახმარებით, ზამთარში, დაბა გუდაურში გაიარეს.

უახლოეს მომავალში დაგეგმილია მესამე სამთო ტექნიკური კურსის ჩატარება ზღვის დონიდან 5000 მეტრზე და მყინვარწვერის დალაშქვრა.

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.88
  • 3.29
  • 0.04
  • 0.55
  • 1.44