ჩვენ მუდმივ რეჟიმში ვმუშაობთ იმ პრობლემაზე, რასაც ჰქვია არაპროგნოზირებადი მეზობელი - კახა კალაძე განცხადებას ავრცელებს

ოთხშაბათი, 22 ივლისი, 2015 - 15:12

ვიცე-პრემიერი/ენერგეტიკის მინისტრი კახა კალაძე დეფაქტო საზღვართან არსებულ ვითარებასთან დაკავშირებით განცხადებას ავრცელებს.

“თავისი ვიზიტის ფარგლებში, ქვეყნის პრემიერ-მინისტრთან შეხვედრის მსვლელობისას ევროპული საბჭოს პრეზიდენტი დონალდ ტუსკი გამოეხმაურა დეფაქტო საზღვართან დაკავშირებულ მოვლენებს. ჩვენთვის, ევროინტეგრაციის ამ ეტაპზე, უაღრესად მნიშვნელოვანია მისი გზავნილი 2008 წელს ოკუპაციის შემდგომ გაჩენილ სადემარკაციო ხაზთან მომხდარი პროვოკაციების შესახებ. მაღალი შეფასების საფუძველი გახდა ჩვენი განწყობა და პოლიტიკა კონკრეტულ თემასთან დაკავშირებით. ჩვენ ვნახეთ რა არის ომი, ვნახეთ დაპირისპირება და სიძულვილი იარაღით ხელში, ჩვენ ვნახეთ დიდი თუ პატარა პროვოკაციები, ვნახეთ როგორ შეიძლება წამოეგო რუსეთის პროვოკაციას, რომელიც ღია აგრესიაში გადავიდა ქვეყნისთვის კატასტროფული შედეგით, მიუხედავად შეფუთვისა და სათავისოდ გამოყენების მცდელობისა...

ტუსკის დღევანდელი განცხადება მკაფიოდ ავლებს წითელ ხაზს რევანშისტულ, გაუწონასწორებელ გადაწყვეტილებებსა და დღევანდელ გონივრულ, გათვლილ ნაბიჯებს შორის. ჩვენ მუდმივ რეჟიმში ვმუშაობთ იმ პრობლემაზე, რასაც ჰქვია არაპროგნოზირებადი მეზობელი. ჩვენ მივყვებით ფეხდაფეხ საერთაშორისო თანამეგობრობას იმ პოლიტიკის გატარებაში , რომელსაც აწარმოებენ რუსეთთან მიმართებაში. ქვეყნის მთავრობა პირველ რიგში ითვალისწინებს დეფაქტო საზღვრის საგუშაგოდ მყოფი ჩვენი ძალოვანის და საზღვრისპირა სოფელში მცხოვრები გლეხის, მისი, მავრთულხლართს გაღმა დარჩნილი ახლობლის ინტერესს და უსაფრთხოებას, ვითვალისწინებთ საქართველოს გეოპოლიტიკურ მდგომარეობას და საერთაშორისო ეკონომიკურ თუ პოლიტიკურ პასუხისმგებლობას. საქართველოს ჰყავს მთავრობა, რომელიც აღარ დაუშვებს იმპულსური გადაწყვეტილებების მიღებას, რაც გამოუსწორებელ შედეგებს მოუტანს ქვეყანას; ჩვენ ვეღარ დავუშვებთ, რომ ცალკეული პოლიტიკოსების გაუაზრებელი ნაბიჯების, ახირებებისა და პირადი მოტივების გამო დაიღუპონ ჩვენი მოქალაქეები, ჯარისკაცები, პოლიციელები. ჩვენ გავაკეთებთ მაქსიმუმს მსგავსი პროვოკაციების თავიდან ასაცილებლად. ჩვენ მუდმივ კომუნიკაციაში ვართ ევროპასთან, საერთაშორისო თანამეგობრობასთან, კომუნიკაცია გვაქვს რუსეთთან, ვცდილობთ გონივრული პოლიტიკის გატარებით საჩვენოდ მოვატრიალოთ მოლაპარაკებების და ურთიერთობების შედეგები.

დღევანდელმა, ევროპიდან გაჟღერებულმა გზავნილმა კი ამ მიმართულების ჭეშმარიტებაში დაგვარწმუნა და მეტი თმენა და მეტი მოტივაცია შეგვმატა- ვიმუშაოთ ბევრი : დაწყებული ეფექტური ფორმატების გაფართოებით ან ჩანაცვლებით და დასრულებული კონფლიქტის საბოლოო მოგვარებით- ქვეყნის გაერთიანებით”, - ნათქვამია კახა კალაძის განცხადებაში.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.06
  • 3.46
  • 0.04
  • 0.66
  • 1.45