მე მოვუწოდებ ამ ადამიანს, ჩაბარდეს პოლიციას და კანონის ფარგლებში მოხდება მისი გასამართლება - ვახტანგ გომელაური

ხუთშაბათი, 09 აპრილი, 2015 - 21:45

შინაგან საქმეთა მინისტრი ვახტანგ გომელაური სამსახურებრივი მოვალეობის შესრულების დროს დაღუპული პოლიციელის - ბექა მარგიშვილის დაკრძალვას დაესწრო და ოჯახს მიუსამძიმრა.

 

დაღუპული პოლიციელის სამოქალაქო პანაშვიდი ქაშუეთის ეკლესიაში გაიმართა. ბექა მარგიშვილის ოჯახს პირადად მიუსამძიმრეს სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ, პრემიერ-მინისტრმა ირაკლი ღარიბაშვილმა, მთავრობის და პარლამენტის წევრებმა. დაკრძალვის ცერემონია საპატიო ყარაულის თანხლებით გაიმართა.

"ვუსამძიმრებ ოჯახს. ეს ადამიანი იყო ასევე შსს-ს დიდი ოჯახის წევრი და მე მინდა ყველას დიდი მადლობა მოვუხადო, ყველა იმ მოქალაქეს, ვინც გაიზიარა ჩვენი გულისტკივილი. ძალიან მნიშვნელოვანი იყო ყველა მოქალაქის გვერდით დგომა ჩვენი პოლიციელებისთვის. ყველაფერს ვაკეთებთ იმ ადამიანის დასაკავებლად, რომ მალე მოხდეს მისი დაკავება, და მე მოვუწოდებ ამ ადამიანს, რომ გამოცხადდეს, ჩაბარდეს პოლიციას და კანონის ფარგლებში მოხდება მისი გასამართლება. ჯერ არ მინდა, რომ ვთქვა რამე ახალი, რათქმა უნდა ვმუშაობთ და ერთ ადგილზე არ ვდგავართ. წინ მივდივართ და ვფიქრობ, რომ უახლოეს მომავალში მოხდება მისი დაკავება" - განაცხადა ვახტანგ გომელაურმა.

შსს-ს ისანი-სამგორის სამმართველოს მე-8 განყოფილების უბნის ინსპექტორ-გამომძიებელი ბექა მარგიშვილი, დეტექტივის თანაშემწე - გამომძიებელ ვალერიან გრძელიშვილთან ერთად, 4 აპრილს, საღამოს საათებში, თბილისში, მეტროსადგურ "ვარკეთილთან", ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით მოქალაქე შალვა აბულაძე შეაჩერეს. შალვა აბულაძემ მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა. მიყენებული ჭრილობების შედეგად, ბექა მარგიშვილი საუნივერსიტეტო კლინიკაში გადაყვანის შემდეგ გარდაიცვალა.

შალვა აბულაძის დაკავების მიზნით ოპერატიულ-სამძებრო და საგამოძიებო ღონისძიებები მიმდინარეობს

მსგავსი სიახლეები

"ახალი საქართველო"-ს ტელე არქივი

სოციალური ქსელი

უწმინდესი ახლა უფრო დიდ განსაცდელშია, ვიდრე გერმანიაში წასვლის წინ იყო - ელისო კილაძე უძაღლო ქვეყანაში კატებს აყეფებდნენო... ისეა ჩვენი საქმე... - გიორგი მარიამიძე რუსთავი 2-ზე ყველაზე გულისამრევი რუსთავი 2-ის ისტორიაში არის ქიბარ ხალვაშის "რეჟიმის მსხვერპლად" გამოცხადება - თორნიკე შარაშენიძე ყურადღება: რუსთავი 2-ის საქმეზე მოლაპარაკება ირაკლი ოქრუაშვილთან დაიწყო ეს იყო უმკაცრესი პასუხი ვიზალიბერალიზაციაზე და საქართველომ, რუსეთის ხელით, ევროპას სილა გააწნა - სულა სულაშვილი სუსი ევაჭრება მამა გიორგი მამალაძეს, აღიაროს დანაშაული და მას პატრიარქის თხოვნით შეიწყალებენ - ელისო კილაძე

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.45
  • 2.64
  • 3.06
  • 0.04
  • 0.68
  • 1.44