ირაკლი ოქრუაშვილის სიტყვაში პროპაგანდისტული კომუნიკაციის ტექნიკის რამდენიმე მეთოდი იყო წარმოდგენილი - არჩილ გამზარდია

შაბათი, 08 მარტი, 2014 - 18:16

საზოგადოებრივი კომუნიკაციების მართვის სპეციალისტი და არასამთავრობო ორგანიზაცია, საზოგადოებრივი კომუნიკაციების კვლევისა და განვითარების ცენტრის დირექტორი არჩილ გამზარდია, პოლიტიკურ თოქ-შოუ "რეაქციაში" ყოფილი თავდაცვის მინისტრის ირაკლი ოქრუაშვილის მიერ გაკეთებულ განცხადებებს აფასებს.

"ირაკლი ოქრუაშვილის ვერბალური კომუნიკაციის პროპაგანდისტული მექანიზმები:

ირაკლი ოქრუაშვილის სიტყვაში წარმოდგენილი იყო რამდენიმე მეთოდი პროპაგანდისტული კომუნიკაციის ტექნიკისა. კერძოდ, "ბუმერანგის მეთოდი" - მის მიხედვით, პერსონაჟი ცდილობს დაჩაგრულის მანტია მოირგოს, რადგან ადამიანებს მოსწონთ შევიწროებული პირები და თანაგრძნობასა თუ თანადგომაზე არიან ორიენტირებულები. ამდენად, "ჩაგრული ოქრუაშვილის" გაყიდვა უფრო ეფექტური ხერხი შეიძლება აღმოჩნდეს. ამ კონტექსტით, ოქრუაშვილმა წარმოადგინა მისი შესაძლო შევიწროების გარემოება საარჩევნო კოდექსის დეტალებით.

შემდეგი ხერხი მისი პოტენციურ ამომრჩეველთან კომუნიკაციის კუთხით, ეს იყო სოციალური მახასიათებლების თითქოსდა სასხვათაშორისოდ წარმოდგენა, რაც დღემდე ეფექტურად მოქმედებს ამომრჩეველზე, თუ კი მის შესაძლებლობას აჩვენებ. მაგალითად, ეს მეთოდი კარგად გამოიყენა 2003 წელს მიხეილ სააკაშვილმა, 2012 წელს ბიძინა ივანიშვილმა. მათ შეპირებებსა თუ პოტენციურ პოზიტიურ შედეგებს მისცეს თავიანთი მხრიდან შესაძლებლობის მახასიათებლები და შესაბამისად, წარმატებულად წარდგნენ ამომრჩეველთან. ეს "მასობრივი კმაყოფილების" მახასიათებლებად ითვლება დღემდე ჩვენში.

მესამე, ეს იყო "ვიწრო აუდიტორიაზე მორგებული შეტყობინება" და მხარდაჭერის მიღების პირობები, რაც გამოიხატა სტალინის ძეგლთან მიმართებაში. აქ გათვლა იყო ვიწრო აუდიტორიაზე სამიზნე ჯგუფთან, ადგილობრივ მოსახლეობასთან გორში, ანუ კონკრეტულ ამომრჩეველთან. მიუხედავად იმისა, რომ ეს განცხადება, სავარაუდოდ, მკაცრად ნეგატიურად შეფასდება საზოგადოებისგან, აქ, ვიმეორებ გათვლა იყო მხოლოდ გორელ მოსახლეობაზე. თუ ამ შეტყობინებას კარგად გამოძიებული სოციოლოგიური წინაპირობები ჰქონდა, მაშინ, შესაძლოა, ოქრუაშვილს წარმატებულად წაადგეს ეს განცხადება ლოკალურ სივრცეში, თუმცა, საერთო საიმიჯო მახასიათებლების კუთხით, ცხადია, ბევრად ნეგატიურ უკუკავშირად მოუბრუნდება.

იყო კიდევ რამდენიმე საინტერესო პლასტი, თუმცა, ეს სტატუსს უფრო ვრცელს და არაკითხვადს გახდის :)-წერს Facebook-ზე არჩილ გამზარდია

 

 

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.08
  • 0.04
  • 0.68
  • 1.41