პრემიერ-მინისტრმა საზოგადოებას ტოლერანტობისა და აზრის თავისუფლად გამოხატვის უფლების პატივისცემისკენ მოუწოდა

შაბათი, 18 მაისი, 2013 - 14:02

საქართველოს პრემიერ-მინისტრი ბიძინა ივანიშვილი გამოეხმაურა თბილისში ჰომოფობიის წინააღმდეგ ბრძოლის საერთაშორისო დღის აღსანიშნად გამართულ აქციაზე განვითარებულ მოვლენებს და დაგმო ძალადობა.

 მან საზოგადოებას ტოლერანტობის, ყველა მოქალაქის შეკრებისა და აზრის თავისუფლად გამოხატვის უფლების პატივისცემისკენ მოუწოდა.

„მშვიდობიანი შეკრებისა და აზრის გამოხატვის უფლებას ფუნდამენტური მნიშვნელობა აქვს ჩვენი დემოკრატიისთვის. ეს უფლება ვრცელდება საქართველოს უკლებლივ ყველა მოქალაქეზე. ჩვენ არ დავუშვებთ ძალადობას, დისკრიმინაციას და ადამიანის უფლებათა შეზღუდვას. ნებისმიერი ასეთი ქმედების ჩამდენი პასუხს აგებს კანონის წინაშე," - განაცხადა პრემიერ-მინისტრმა.

ჰომოფობიის წინააღმდეგ გამართული აქციის მონაწილეთა მცირერიცხოვან ჯგუფსა და მათ მოწინააღმდეგე დემონსტრანტებს შორის შეტაკებების აღსაკვეთად მობილიზებული იყო ორი ათასზე მეტი პოლიციელი. წესრიგის დამცველთა სიმრავლის მიუხედავად, ვერ მოხერხდა ლგბტ აქციის მოწინააღმდეგეთა დაშოშმინება. მათმა ნაწილმა მიმართა ძალადობას, გაარღვია პოლიციის რიგები და სცადა ლგტბ საზოგადოების წარმომადგენელთათვის ფიზიკური შეურაცხყოფის მიყენება. აქციის მონაწილეთა უსაფრთხოების უზრუნველსაყოფად, პოლიციელებმა ისინი ალტერნატიულ ტერიტორიაზე გადაიყვანეს.

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.84
  • 3.23
  • 0.04
  • 0.52
  • 1.45