მაია ფანჯიკიძემ მინისტერიალზე საქართველოს ოკუპირებული ტერიტორიების დეოკუპაციის აუცილებლობაზე ისაუბრა

ხუთშაბათი, 16 მაისი, 2013 - 17:29

სტრასბურგში დღეს გამართულ ევროპის საბჭოს მინისტრთა კომიტეტის რიგით 123-ე შეხვედრაზე,სიტყვით გამოვიდა საქართველოს საგარეო საქმეთა მინისტრი მაია ფანჯიკიძე.

გამოსვლაში მინისტრმა ყურადღება გაამახვილა საქართველოს ოკუპირებული ტერიტორიების დეოკუპაციის აუცილებლობასა და საერთაშორისო საზოგადოების მხრიდან ქვეყნის სუვერენიტეტისა და ტერიტორიული მთლიანობის მხარდაჭერის მნიშვნელობაზე. საგარეო საქმეთა მინისტრმა მოუწოდა ევროპის საბჭოს, სრულად და ეფექტურად გამოიყენოს თავისი მექანიზმები, რათა უზრუნველყოს ოკუპირებულ რეგიონებში ადამიანის უფლებათა მდგომარეობის მონიტორინგი.

მინისტერიალზე საქართველოს საკითხის მხარდამჭერი განცხადებები გააკეთეს ლიტვისა და პოლონეთის საგარეო საქმეთა სამინისტროების ხელმძღვანელებმა, ასევე მხარდამჭერი პოზიცია გამოხატა მოლდოვის დელეგაციამ წარმოდგენილ წერილობით კომუნიკაციაში. მათ მოუწოდეს ევროპის საბჭოს უზრუნველყოს ადამიანის უფლებათა ეფექტიანი მონიტორინგი იმ ტერიტორიებზე, სადაც სახელმწიფოები ვერ ახორციელებენ თავიანთ იურისდიქციას. ასევე აღინიშნა, რომ მნიშვნელოვანია, იძულებით გადაადგილებულ პირთა დროული და შეუფერხებელი დაბრუნება თავიანთ საცხოვრებელ ადგილებზე.

ქართული მხარე მიესალმება მინისტერიალის ფარგლებში ევროპის საბჭოს გენერალური მდივნისა და წევრი ქვეყნების მხრიდან დაფიქსირებულ საქართველოს მხარდამჭერ პოზიციას.

საქართველო გამოხატავს მადლიერებას ანდორას თავმჯდომარეობისადმი ეფექტური მუშაობისათვის და წარმატებებს უსურვებს მინისტრთა კომიტეტის სომხეთის თავმჯდომარეობას, რომელიც ამ ქვეყანას ექვსი თვის ვადით გადაეცა.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.61
  • 2.95
  • 3.31
  • 0.04
  • 0.42
  • 1.53