საქართველოში სამშენებლო ბიზნესით გერმანელები დაინტერესდნენ

სამშაბათი, 14 მაისი, 2013 - 13:01

საქართველოში სტუმრად იმყოფება გერმანელ ბიზნესმენთა ჯგუფი, რომლებიც საქართველოში გერმანიის ეკონომიკისა და ტექნოლოგიების ფედერალური სამინისტროსა და გერმანიის აღმოასვლეთისა და ცენტრალური ევროპის  ეკონომიკური გაერთიანების (OMV) ორგანიზებით ჩამოვიდნენ.

ვიზიტის მიზანია, გერმანული ბიზნეს-სექტორის წარმომადგენლებმა მიიღონ სრული ინფორმაცია საქართველოში სამშენებლო ბიზნესის განვითარების შესაძლებლობების შესახებ და ამ პროცესში გერმანული კაპიტალის მონაწილეობის შესაძლებლობებზე.

ვიზიტის ფარგლებში დღეს, 17:00 საათზე გერმანელი ბიზნესმენები საქართველოს რეგიონული განვითარებისა და ინფრასტრუქტურის სამინისტროში მინისტრ დავით ნარმანიასთან შეხვედრას გამართავენ.

ბიზნესმენებს, აგრეთვე, დაგეგმილი აქვთ შეხვედრები სხვადასხვა კერძო თუ სახელმწიფო სტრუქტურების წარმომადგენლებთან. ხვალ ისინი ასევე მოინახულებენ აღმოსავლეთ-დასავლეთის ცენტრალური ავტომაგისტრალის აგარა-რუისის მონაკვეთზე მიმდინარე საგზაო მშენებლობას.

ვიზიტი დღეს დაიწყო და 19 მაისს დასრულდება.

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.05
  • 3.43
  • 0.04
  • 0.42
  • 1.54