პრემიერმა პრესკონფერენცია ავღანეთში დაღუპული ჯარისკაცების სამძიმრით დაიწყო

სამშაბათი, 14 მაისი, 2013 - 11:51

საქართველოს პრემიერ-მინისტრმა ბიძინა ივანიშვილმა დღეს ჟურნალისტებთან შეხვედრა ავღანეთში დაღუპული ქართველი ჯარისკაცების სამძიმრით დაიწყო.

 "უდიდესი მწუხარება მინდა გამოვთქვა იმ ტრაგიკული ამბის გამო ,რომელიც ავღანეთში ნატოს ოპერაციის მონაწილე საქართველოს შეიარაღებული ძალების ბაზაზე მოხდა.

ქართველმა სამხედროებმა გმირულად მოიგერიეს თვითმკვლელი ტერორისტისა და მეამბოხეთა ჯგუფის თავდასხმა, რასაც სამი ქართველი სამხედრო მოსამსახურის სიცოცხლე შეეწირა. დაღუპულები არიან კაპრალი ალექსანდრე კვიწინაძე, უმცროსი სერჟანტი ზვიად დავითაძე და კაპრალი ვლადიმერ შანავა. გვყავს დაჭრილებიც.

ქედს ვიხრი მათ წინაშე. ვუერთდები გმირულად დაღუპული ჩვენი სამხედროების ოჯახების უდიდეს მწუხარებას და ვუსამძიმრებ მათ და მთელ საქართველოს, თითოეულ მოქალაქეს", - განაცხადა პრემიერმა. 

ავღანეთში, ჰელმანდის პროვინციაში, ბაზა "შირგაზზე", სადაც  საერთაშორისო მისიაში მონაწილე ქართველი სამხედროები იმყოფებოდნენ,  აქამდე ყველაზე მასშტაბური ტერორისტული თავდასხმა განხორციელდა. თავდასხმა  16:17 საათზე მოხდა. თავდაცვის სამინისტროს ინფორმაციით,  42-ე ბატალიონის დისლოკაციის ადგილზე თვითმკვლელმა ტერორისტმა და ტერორისტთა 5-კაციანი ჯგუფმა იერიში მიიტანა. თავდამსხმელები  ადგილზევე იქნენ განადგურებულები.  გარდაცვლილია სამი ქართველი სამხედრო მოსამსახურე და  დაჭრილია რამდენიმე ჯარისკაცი.

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.85
  • 3.27
  • 0.04
  • 0.52
  • 1.45