სალომე ზურაბიშვილი საპრეზიდენტო არჩევნებში დამოუკიდებლად მიიღებს მონაწილეობას

ორშაბათი, 13 მაისი, 2013 - 12:32

ყოფილი საგარეო საქმეთა მინისტრი სალომე ზურაბიშვილი საპრეზიდენტო არჩევნებში მონაწილეობას დამოუკიდებლად მიიღებს. როგორც ზურაბიშვილი აცხადებს, ის ფიქრობს მონაწილეობის მიღებას საპრეზიდენტო არჩევნებში, თუმცა ამ გადაწყვეტილების მიღებისთვის, როგორც აცხადებს, საზოგადოების რეალური მხარდაჭერა სჭირდება. 

მისივე თქმით, მომავალი პრეზიდენტი უნდა იყოს სრულიად საქართველოს პრეზიდენტი და როგორც ქართველი და  ნიკო ნიკოლაძის შთამომავალი, ის პრეზიდენტობისთვის იბრძოლებს. 

"უახლოეს პერიოდში მივიღებ გადაწყვეტილებას. თუ რეალურად მექნება ხალხის მხარდაჭერა და ვიქნები საზოგადოებისთვის მისაღები, საპრეზიდენტო არჩევნებში მივიღებ მონაწილეობას, როგორც დამოუკიდებელი კანდიდატი", - განაცხადა სალომე ზურაბიშვილმა. 

სალომე ზურაბიშვილი კოალიცია "ქართული ოცნების" სავარაუდო საპრეზიდენტო კანდიდატთა შორის სახელდებოდა, თუმცა პრემიერმა არჩევანი გიორგი მარგველაშვილზე შეაჩერა.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.56
  • 2.92
  • 3.26
  • 0.04
  • 0.42
  • 1.51