მარათონი „წითელი ჯვარი თქვენთანაა“ ხვალ გაიმართება

პარასკევი, 10 მაისი, 2013 - 15:44

საქართველოს წითელი ჯვრის საზოგადოება და წითელი ჯვრის საერთაშორისო კომიტეტი 11 მაისს, შაბათს, 13:00 სთ-ზე, აწყობს მარათონს "წითელი ჯვარი თქვენთანაა". მარათონი გაიმართება თბილისში, “კუს ტბაზე”.

მარათონი ეძღვნება საქართველოს წითელი ჯვრის საზოგადოების დაარსებიდან 95-ე წლისთავს, ასევე წითელი ჯვრისა და წითელი ნახევარმთვარის საერთაშორისო მოძრაობის 150-ე წლისთავს.

გარბენი სტარტს აიღებს “კუს ტბის” ცენტრალური შესასვლელიდან. გარბენის დისტანცია 1.5 კილომეტრი.

მარათონის პარალელურად, საქართველოს წითელი ჯვრის მიერ წარმოდგენილი იქნება პირველი დახმარების უნარ-ჩვევები. ასევე, მსურველებს შესაძლებლობა ექნებათ გაიღონ შემოწირულობა ლეიკემიით დაავადებული ბავშვების დასახმარებლად.

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.87
  • 3.25
  • 0.04
  • 0.51
  • 1.44