ნარკოდანაშაულის მიმართ მიდგომა შესაცვლელია - ეკა ბესელია

ხუთშაბათი, 09 მაისი, 2013 - 15:45

პარლამენტში კომისიის შექმნის პროცესი მიმდინარეობს, რომელიც ექსპერტებთან ერთად იმსჯელებს, ნარკოდანაშაულთან დაკავშირებით კანონმდებლობაში რა სახის ცვლილებები უნდა შევიდეს. ამის შესახებ პარლამენტის ადამიანის უფლებათა დაცვის და სამოქალაქო ინტეგრაციის  კომიტეტის თავმჯდომარემ, ეკა ბესელიამ "პრაიმტაიმის" პრესკლუბში განაცხადა.

მისი თქმით, საქართველოს კანონმდებლობაში ნარკოტიკული საშუალებების ნუსხაში ისეთი მედიკამენტებია შეტანილი, რომლებიც გაეროს კონვენციას არ შეესაბამება.

"მიდგომები შესაცვლელი რომ არის, ეს შემიძლია დავადასტურო. ვფიქრობ, შედარებით მკაცრი სასჯელი უნდა იყოს ნარკორეალიზატორების მიმართ, ასევე მედიკამენტების ნუსხა გაეროს კონვენციასთან შესაბამისობაში უნდა მოვიდეს, ასევე უნდა გავითვალისწინოთ უპრეცედენტო ამნისტიაც. ამ ვითარებაში სტატისტიკური მაჩვენებლები საუკეთესოა. ამ მხრივ შინაგან საქმეთა სამინისტრო ნამდვილად კარგად მუშაობს", -  განაცხადა ეკა ბესელიამ.

ბესელია ბოლო პერიოდში გამოთქმულ კრიტიკასაც გამოეხმაურა, რომლის თანახმადაც ახალი ხელისუფლების პირობებში კრიმინალის შემთხვევები გაიზარდა.

ბესელიას თქმით, არსებობს სტატისტიკა, რომლის თანახმადაც, 2013 წლის პირველი 3 თვის მდგომარეობა 2009-2010 წლების მონაცემების იდენტურია, ეს წლები კი სიმშვიდის მხრივ სანიმუშო იყო. მისივე თქმით, გაიზარდა დანაშაულის გახსნის სტატისტიკაც.

 

 

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.89
  • 3.29
  • 0.04
  • 0.53
  • 1.44