ვანო მერაბიშვილი სახელმწიფოს ფულის გაფლანგვაში ბრალს სდებს

ხუთშაბათი, 09 მაისი, 2013 - 15:09

მე ბრალს ვდებ დღევანდელ ხელისუფლებას 80 მილიონი სახელმწიფო თანხის გაფლანგვაში და მოვითხოვ, რომ ეს ფული დაუბრუნდეს ქართველ გლეხებს, - ამის შესახებ „ნაციონალური მოძრაობის " გენერალურმა მდივნმა ვანო მერაბიშვილმა დღეს გამართულ ბრიფინგზე განაცხადა.

როგორც მერაბიშვილმა განაცხადა, ნაციონალური მოძრაობა მხარს  უჭერს ყველა იმ პროგრამას, რომელიც მიმართულია სოფლის და საქართველოს მოსახლეობის სოციალური დაცვისათვის.

"ჩვენ წინასაარჩევნო პროგრამაში გვქონდა 1000-ლარიანი ვაუჩერი და ვფიქრობდით, რომ  ეს  მოხმარდებოდა სოფელს, მაგრამ ახალმა ხელისუფლებამ დაუშვა შეცდომები, არ გაითვალისწინა ხალხის და,  მათ შორის, ჩვენი რჩევები. ჩვენ ვამბობდით,რომ გლეხებს ჰქონოდათ საშუალება ვაუჩერების ბანკში განაღდების და თავიდან ავიცილებდით ყოველგვარ გაუგებრობებს", - განაცხადა მერაბიშვილმა.

გენმდივნის განცხადებით,  შეზღუდვის დაწესებამ, მათი გამოთვლებით,  მინიმუმ 80 მილიონი ლარი დააკარგვინა ქართველ გლეხებს და ინიციატივით გამოდის, დაკარგული თანხიდან საშემოდგომოდ  თითოეულ ოჯახს 120-ლარიანი ვაუჩერი დაურიგდეს, რომლის განაღდება მათ ბანკებში შეეძლებათ. 

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.87
  • 3.25
  • 0.04
  • 0.51
  • 1.44