"ჩვენებურებით" აღფრთოვანებულმა ევროპელებმა განმეორებითი კონცერტების დაგეგმვა მოითხოვეს

ოთხშაბათი, 08 მაისი, 2013 - 20:14

მიუნხენსა და ვარშავაში ანშლაგით გამართული კონცერტების შემდეგ, ევროპაში ანსამბლ „ჩვენებურების“ ტურნე გრძელდება. ტურნეს ფარგლებში ახალი კონცერტები   ნიურნბერგში, ბავარიის ალპებში რეგენსბურგში, ვროცლავში, რიგაში, ტალინში, ჰელსინკში, ციურიხში, ჰააგასა და ბრატისლავაში დაიგეგმა.

ქართული სიმღერითა და „ჩვენებურების“ შესრულებით აღფრთოვანებულმა ევროპელებმა შემოდგომაზე ანსამბლის განმეორებითი ტურნეს დანიშვნა მოითხოვეს.

ანსამბლის წევრის გიორგი სახოკიას ცნობით, ვარშავის კონცერტზე „ჩვენებურებმა“ რამდენიმე კომპოზიცია ადგილობრივ აფრო-პოლონელ მომღერალთან ერთად შეასრულეს და ეს კონცერტი იყო პირველი ეტაპი ახალი მუსიკალური პროექტისა, რომელიც საერთო კომპოზიციების ჩაწერას და ფესტივალების „ტრანსკავკაზია“ და „არტ-გენის“ ფარგლებში კონცერტების გამართვას ითვალისწინებს.

მისივე თქმით, ევროპული ტურნეს დასრულების შემდეგ ახალი ალბომის ჩაწერას გეგმავენ, რომელიც „ჩვენებურებისა“ და მისი უცხოელი მუსიკოსი მეგობრების საერთო კომპოზიციების სრულად ჩაწერას ითვალისწინებს.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.09
  • 3.44
  • 0.04
  • 0.42
  • 1.55