საქართველოში სამუშაო ვიზიტით თურქული კომპანიის „ჩალიკ ჰოლდინგი”-ს წარმომადგენლები ჩამოვიდნენ

ოთხშაბათი, 08 მაისი, 2013 - 13:09

საქართველოში სამდღიანი ვიზიტით თურქული კომპანიის „ჩალიკ ჰოლდინგი”-ს წარმომადგენლები ჩამოვიდნენ. დელეგაციას „ჩალიკ ჰოლდინგი”-ს შვილობილი კომპანიის „ჩალიკ ტექსტილის“ დირექტორი ხელმძღვანელობს.

მათ ვიზიტს ორგანიზებას საქართველოს ეროვნული საინვესტიციო სააგენტო უწევს.

კომპანია დაინტერესებულია საქართველოში, ტექსტილის სექტორში ინვესტიციის განხორციელებით, კერძოდ დასავლეთ საქართველოში სამკერვალო საწარმოს დაფუძნება, რომელიც 600-მდე ადამიანს დაასაქმებს და სხვადასხვა ევროპული ტანსაცმლის ბრენდებს მოამარაგებს. „ჩალიკ ტექსტილი“-ს წარმომადგენლები დაათვალიერებენ მათი საწარმოსათვის შეთავაზებულ ადგილებს აჭარის, გურიისა და იმერეთის რეგიონებში.

დელეგაციის ვიზიტის ფარგლებში ასევე დაგეგმილია სამუშაო შეხვედრები საქართველოს ეროვნული საინვესტიციო სააგენტოს, საპარტნიორო ფონდისა და იუსტიციის სახლის წარმომადგენლებთან, სადაც პოტენციური ინვესტორები გაეცნობიან საქართველოში არსებულ საინვესტიციო გარემოს, ბიზნესის წარმოების შესაძლებლობებსა და პროცედურებს.

„ჩალიკ ჰოლდინგი“ ერთ-ერთი უმსხვილესი კომპანიაა თურქულ ბაზარზე და მისი აქტივები 6,5 მილიარდ აშშ დოლარს შეადგენს. ჰოლდინგი 15 ქვეყანის მასშტაბით ოპერირებს ისეთ სექტორებში, როგორებიცაა ენერგეტიკა, სამშენებლო, საფინანსო, ტექსტილის წარმოება, მედია და ტელეკომუნიკაცია.

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.84
  • 3.18
  • 0.04
  • 0.51
  • 1.44