"ქართული ოცნების" პრეზიდენტობის კანდიდატი მთელი საქართველოსთვის მისაღები იქნება

ოთხშაბათი, 08 მაისი, 2013 - 14:29

ჩვენ გვეყოლება საპრეზიდენტო კანდიდატი, რომელიც მთელი საზოგადოებისთვის მისაღები იქნება, -  ამის შესახებ პოლიტსაბჭოს სხდომის დაწყებამდე კოალიცია "ქართული ოცნების" ერთ-ერთმა ლიდერმა ირინა იმერლიშვილმა განაცხადა.

მისი თქმით, დღევანდელ შეკრებაზე პრეზიდენტობის კანდიდატზე არ იმსჯელებენ და სხდომაზე მხოლოდ საორგანიზაციო საკითხები განიხილება.

ირინა იმერლიშვილმა არ დაადასტურა გავრცელებული ინფორმაცია პრეზიდენტობის 5 სავარაუდო კანდიდატთან დაკავშირებით. მისი თქმით, კახი კალაძის, ირაკლი ალასანიას, სალომე ზურაბიშვილის, არმაზ ახვლედიანის და ვახტანგ ხმალაძის კანდიდატურა მისი თანდასწრებით არ განხილულა.

პრეზიდენტობის კანდიდატზე პოლიტსაბჭო კვირას იმსჯელებს. ცნობილია, რომ პრეზიდენტობის სავარაუდო  კანდიდატები: კახი კალაძე, ირაკლი ალასანია, სალომე ზურაბიშვილი, არმაზ ახვლედიანი და ვახტანგ ხმალაძე უმრავლესობის წევრმა ელისო ჩაფიძემ დაასახელა.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.08
  • 3.44
  • 0.04
  • 0.43
  • 1.54