ნატოს ენის საერთაშორისო ბიუროს კონფერენცია თავდაცვის მინისტრის მოადგილემ გახსნა

ორშაბათი, 06 მაისი, 2013 - 16:08

„ქორთიარდ მერიოტ“-ში კონფერენცია „ინგლისური ენა მრავალეროვნულ გარემოცვაში“ მიმდინარეობს. ნატოს ენის საერთაშორისო საკოორდინაციო ბიუროს (BILC) სემინარი საქართველოს თავდაცვის მინისტრის მოადგილემ თამარ ქაროსანიძემ გახსნა.

ფორუმს საქართველოს შეიარაღებული ძალების გაერთიანებული შტაბის უფროსის მოადგილე, პოლკოვნიკი ვლადიმერ ჩაჩიბაია, თავდაცვის უწყების წარმომადგენლები და საქართველოში აკრედიტებული ნატოს წევრი და პარტნიორი ქვეყნების სამხედრო ატაშეები დაესწრნენ.

კონფერენცია საქართველოს თავდაცვის სამინისტროსა და გაერთიანებული შტაბის მოწვევით ტარდება. სემინარს ნატოს ენის საერთაშორისო საკოორდინაციო ბიუროს თავმჯდომარე ჯულიე დუბეაუ ხელმძღვანელობს. ფორუმის მიზანია ალიანსის მოკავშირე ქვეყნებში ინგლისური ენის განვითარებას შეუწყოს ხელი.

კონფერენციაში ნატოს წევრი და პარტნიორი 26 ქვეყნის 64 დელეგატი მონაწილეობს. ოთხი დღის განმავლობაში, ენის სფეროს სამოქალაქო და სამხედრო სპეციალისტები ნატოს სტანდარტებით, მიღებულ გამოცდილებაზე დაყრდნობით, ინგლისური ენის ნორმების შემუშავების საკითხებს განიხილავენ, რომელიც საერთაშორისო სამხედრო მისიებში ჩართული სამხედრო პერსონალის ენობრივი დონის ამაღლებას ისახავს მიზნად. სემინარის მონაწილეები განათლების, ტრენინგებისა და ტესტირების კუთხით, ნატოს პოლიტიკაზეც იმსჯელებენ.

ნატოს ენის საერთაშორისო საკოორდინაციო ბიურო (BILC) ენობრივი მომზადებისა და ტესტირების საკითხებში ნატოს მრჩეველი ორგანიზაციაა. 2005 წლიდან BILC-ის ექსპერტები, ენობრივი მომზადებისა და ტესტირების განვითარების კუთხით, საქართველოს შეიარაღებულ ძალებში ენობრივი მომზადების და ტესტირების სისტემის შეფასებას ახორციელებენ.

ნატოს ენის საერთაშორისო საკოორდინაციო ბიუროს ყოველწლიური კონფერენცია 9 მაისს დასრულდება.

 

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.89
  • 3.29
  • 0.04
  • 0.53
  • 1.44