სააღდგომოდ კიდევ 6 არასრულწლოვანი მსჯავრდებული გათავისუფლდა

ხუთშაბათი, 02 მაისი, 2013 - 18:35

აღდგომის ბრწყინვალე დღესასწაულთან დაკავშირებით, არასრულწლოვანთა დაწესებულებაში არასრულწლოვანთა პირობით ვადამდე გათავისუფლების ადგილობრივი საბჭოს ზეპირი მოსმენის სხდომა გაიმართა.

საბჭოს წევრები პირადად გაესაუბრნენ 11 არასრულწლოვან მსჯავრდებულს, რასაც არასრულწლოვანთა ადვოკატებიც ესწრებოდნენ.

მიღებული გადაწყვეტილების შედეგად, დაწესებულება დატოვა 6-მა მსჯავრდებულმა, 4-ს უარი ეთქვა, ხოლო ერთი პირის მიმართ გადაწყვეტილება დამატებითი კონსულტაციების შედეგად იქნება მიღებული.

დაწესებულების ადმინისტრაციის მხრიდან გაიცა რეკომენდაციები მსჯავრდებულთა გათავისუფლების შემთხვევაში დანაშაულის პრევენციისთვის გასატარებელი ღონისძიებების შესახებ, რაც მომავალში განხორციელდება პრობაციის ეროვნული სააგენტოს აქტიური ჩართულობით.

აღსანიშნავია, რომ 2013 წლის 30 აპრილის გადაწყვეტილებით არასრულწლოვანთა პირობით ვადამდე გათავისუფლების ადგილობრივმა საბჭომ ზეპირი მოსმენის გარეშე დააკმაყოფილა 2 არასრულწლოვანი მსჯავრდებულის შუამდგომლობა პირობით ვადამდე ადრე გათავისუფლების შესახებ, ხოლო უარი განაცხადა 3 შუამდგომლობის დაკმაყოფილებაზე.

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.06
  • 3.45
  • 0.04
  • 0.42
  • 1.54