"ლაბორატორია 1918"-ის მიერ ორგანიზებულ აქციასთან დაკავშირებით შსს-ში საგანგებო ბრიფინგი გაიმართა

ოთხშაბათი, 01 მაისი, 2013 - 20:07

სტუდენტური გაერთიანება "ლაბორატორია 1918"-ის მიერ ორგანიზებულ აქციაზე დაკავებულთა შესახებ შინაგან საქმეთა სამინისტროში საგანგებო ბრიფინგი გაიმართა.

საქართველოს შინაგან საქმეთა სამინისტროს საპატრულო პოლიციის დეპარტამენტის განყოფილების უფროსის დავით ცინარიძის განცხადებით, სტუდენტების მიერ ორგანიზებული აქციის მიმდინერეობისას საზოგადოებრივი წესრიგი დაირღვა და ერთ-ერთი მოქალაქისა და საპატრულო პოლიციის რამდენიმე მანქანა დაზიანდა.

მისივე განმარტებით, ამ დროისთვის ყველა დაკავებული პირი ხელწერილით არის გათავისუფლებული, ხოლო საქმეზე სამართალწარმოება ადმინისტრაციული წესით მიმდინარეობს.

ცინარიძის თქმით, საპატრულო პოლიციიის თანამშრომლებმა აქციის მონაწილეებს წესრიგის დაცვისკენ არაერთხელ მოუწოდეს, თუმცა აქციის მონაწილეები მოწოდებას არ დაემორჩილნენ, რის გამოც პოლიციამ ისინი ადმინისტრაციული წესით დააკავა.

მისივე თქმით, აქციაში რამდენიმე ასეული ადამიანი მონაწილეობდა, თუმცა შსს-ს მონაცემებით, აქციაში ჟურნალისტების მონაწილეობა არ დასტურდება.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.62
  • 3.05
  • 3.43
  • 0.04
  • 0.42
  • 1.54