ეროვნული თავდაცვის აკადემიაში ქვეით ოფიცერთა მომზადების კურსი დასრულდა

ოთხშაბათი, 01 მაისი, 2013 - 16:22

დავით  აღმაშენებლის სახელობის ეროვნული თავდაცვის აკადემიაში მსმენელებმა ქვეით ოფიცერთა მომზადების კურსის გავლა დაასრულეს. კურსი 11 თვის მანძილზე გრძელდებოდა და მასში საქართველოს შეიარაღებული ძალების სხვადასხვა ქვედანაყოფის სერჟანტ-კაპრალები მონაწილეობდნენ.

კურსზე ჩარიცხული 84 სამხედრო მოსამსახურიდან, დასრულება მხოლოდ 48 მსმენელმა შეძლო.

მომზადების გავლის შემდეგ მათ ოფიცერთა პირველადი სამხედრო წოდება, „ლეიტენანტი“ მიენიჭათ.

ქვეით ოფიცერთა მომზადების კურსის ფარგლებში, მსმენელებს თეორიული და პრაქტიკული მეცადინეობები ჩაუტარდათ. სამხედრო მოსამსახურეებმა საერთო-საჯარისო ტაქტიკა, საცეცხლე მომზადება, სამხედრო ტოპოგრაფია და კავშირგაბმულობა შეისწავლეს. ისინი ასევე, სამთო, ჯავშანსატანკო და საარტილერიო მომზადების სპეციფიკასაც გაეცნენ.

წარჩინებულ მსმენელებს დიპლომები დღეს გაერთიანებული შტაბის უფროსმა, პოლკოვნიკმა ირაკლი ძნელაძემ გადასცა. კურსდამთავრებულები შეიარაღებული ძალების მოძღვარმა, მამა დავითმა დალოცა და წარმატებები უსურვა. ქვეით ოფიცერთა მომზადების კურსის დასრულების საზეიმო ცერემონიას საქართველოს შეიარაღებული ძალების გაერთიანებული შტაბის წარმომადგენლებიც დაესწრნენ.

ქვეით ოფიცერთა მომზადების კურსის დასრულების შემდეგ სამხედრო მოსამსახურეები საქართველოს შეიარაღებული ძალების სხვადასხვა ქვედანაყოფებში გადანაწილდებიან.

 

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.63
  • 3.09
  • 3.5
  • 0.04
  • 0.69
  • 1.55