საია "კურიერში" გასული ფაქტების არასწორი ინტერპრეტაციის შესახებ განცხადებას ავრცელებს

სამშაბათი, 30 აპრილი, 2013 - 19:46

29 აპრილს "კურიერში" გასულ სიუჟეტს, ტ. მამაგულაშვილის საკონსტიტუციო სარჩელის განხილვის შესახებ, საქართველოს ახალგაზრდა იურისტთა ასოციაცია გამოეხმაურა. ასოციაციის  ინფორმაციით, აღნიშნულ სიუჟეტში ნათქვამი იყო, რომ მოსარჩელის მიერ სარჩელზე უარის თქმის მიუხედავად, სასამართლო კვლავაც განაგრძობს მისი საქმის განხილვას.

საიას განცხადებით, ვინაიდან საკონსტიტუციო სასამართლოში ტ. მამაგულაშვილის ინტერესებს თვითონ იცავენ, აუცილებლად მიიჩნიეს აღნიშნულ ფაქტთან დაკავშირებით განმარტების გაკეთება.

"გვინდა აღვნიშნოთ, რომ საია ტ. მამაგულაშვილის ინტერესებს იცავს კანონით დადგენილი წესის სრული დაცვით. მოსარჩელეს არ უთქვამს უარი საკონსტიტუციო სარჩელის განხილვაზე. შესაბამისად, საკონსტიტუციო სასამართლოში სარჩელის შეტანის დროსაც (2012 წლის 6 ივლისი) და დღესაც, საია მოქმედებდა და მოქმედებს მოსარჩელის მიერ გამოხატული ნების შესაბამისად. ამას ადასტურებს ტ. მამაგულაშვილის მიერ "კურიერში“ გასული სიუჟეტის შემდგომ გაკეთებული განცხადებაც. 

ამავე სიუჟეტში ასევე გავრცელდა ტ. მამაგულაშვილის მეუღლის (რომელიც არ არის მოსარჩელე საკონსტიტუციო სასამართლოში განსახილველ საქმეში) ინტერვიუ, სადაც ის დავის გაგრძელებაზე უარის თქმის თაობაზე საუბრობს. გვინდა აღვნიშნოთ, რომ მის მიერ ჟურნალისტისათვის მიცემულ ინტერვიუში ნახსენები საქმე შეეხებოდა სხვა სასამართლო დავას და არა საკონსტიტუციო სარჩელს. ვფიქრობთ, რომ ადგილი ჰქონდა ჟურნალისტსა და რესპოდენტს შორის არასწორ კომუნიკაციას, რამაც გამოიწვია ფაქტების არასწორი ინტერპრეტაცია.

შესაბამისად, მზად ვართ დაინტერესების შემთხვევაში მედიასაშუალებას დამატებითი სამართლებრივი განმარტებები მივაწოდოთ", - ნათქვამია განცხადებაში.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46